Алабуга районында гражданнар җыеннары дәвам итә
Бүген Алабуга районының Олы Елово һәм Олы Шүрнәк авыл җирлекләрендә гражданнар җыеннары узды, анда Рөстәм Заһидуллин да катнашты.
Авыл халкы белән очрашуда авыл территорияләрен үстерүгә дә зур өлеш кертүче федераль һәм республика программаларын гамәлгә ашыру нәтиҗәләре каралды. Шулай ук 2024 елга планнар турында да фикер алыштылар.
Чыгыш барышында министр ил Президенты тарафыннан 2030 елга кадәр 5 милли үсеш максаты билгеләнүен билгеләп үтте. Татарстан 2019 елда әлеге максатларны үтәү өчен гамәлгә куелган милли проектларны гамәлгә ашыру эшендә актив катнаша. Мәсәлән, алар 2023 елда гына да республиканың 770тән артык объектында масштаблы эшләр алып барырга мөмкинлек бирде.
Үсешнең беренче милли максаты: халыкны саклау, кешеләрнең сәламәтлеге һәм иминлеге. Мәсәлән, “Демография” милли проекты кысаларында республикада кешеләрнең иминлеген саклау линиясе буенча түләүсез юридик ярдәм күрсәтелә. Татарстан Республикасы Юстиция министрлыгы гражданнарны түләүсез юридик ярдәм белән тәэмин итү өлкәсендә вәкаләтле орган итеп билгеләнде.
Моннан тыш, Казанда республиканың дәүләт юридик бюросы ачылды. Бюро Министрлыкның ведомство карамагындагы учреждениесе булып тора.
Учреждение гражданнарга телдән һәм язма рәвештә хокукый консультацияләр бирү, хокукый характердагы документлар, гаризалар һәм шикаятьләр, дәгъва гаризалары проектлары төзү рәвешендә бушлай юридик ярдәм күрсәтә.
Кабул итүгә язылу һәм сорауларга җавапларны телефоннан алу өчен телефоннар: 8 (843) 598-40-55; 8 (843) 598-40-46; 8 (843) 598-40-53, яисә Казан шәһәре, Һади Такташ урамы, 124 нче йорт, 2 нче корпус адресы буенча мөрәҗәгать итәргә.