Еш бирелә торган сораулар

 Хезмәт мөнәсәбәтләреннән килеп чыга торган таләп белән судка мөрәҗәгать иткән хезмәткәргә карар эш бирүче файдасына чыгарылганда суд чыгымнарын түләү бурычы йөкләнә алмый. РФ ГПКның 98 ст. 1 өлешендә каралган гомуми кагыйдә буенча, суд карары файдасына суд карары булган якка суд эш буенча тотылган барлык суд чыгымнарын икенче яктан кайтара. РФ ГПК 88 ст. 1 өлеше нигезендә суд чыгымнары дәүләт пошлинасыннан һәм эшне карап тикшерүгә бәйле чыгымнардан тора. РФ ГПК 94 статьясындагы бишенче абзацы нигезендә, эшне карап тикшерүгә бәйле чыгымнарга вәкилләр хезмәтләре өчен түләү чыгымнары керә.

Әмма закон нигезендә хезмәткәрләрне гомуми кагыйдәдән искәрмә буларак суд чыгымнарыннан азат итү каралган. РФ хК 393 статьясы таләпләре нигезендә, хезмәт мөнәсәбәтләреннән килеп чыга торган таләпләр буенча,  шул исәптән граждан-хокукый характердагы хезмәт килешүе шартларын үтәмәү яки тиешенчә үтәмәү сәбәпле судка мөрәҗәгать иткәндә, хезмәткәрләр пошлиналарны һәм суд чыгымнарын түләүдән азат ителә. Әлеге позиция 2012 елның 20 июнендә Россия Федерациясе Югары Суды Президиумы тарафыннан расланган 2012 елның беренче кварталы өчен Россия Федерациясе Югары судының суд практикасына күзәтүдә дә чагылыш тапты.