Еш бирелә торган сораулар

 РФ ЮС Президиумының хокукый позициясе: өлешләп төзүдә катнашу шартнамәсен (яки аның буенча хокукларны бирү турындагы шартнамә) дәүләт теркәвенә алмау торак урыны өчен түләгән өлешләп төзүдә намуслы катнашучыны, төзүчедән килешүне үтәүне таләп итү хокукыннан мәхрүм итми. Шул ук вакытта өлешләп төзүдә катнашучының дәүләт теркәвенә алынмаган килешүне үтәүләрен таләп итү хокукы булу төзүчене 214-ФЗ номерлы “Күпфатирлы йортларны һәм башка күчемсез милек объектларын өлешле төзүдә катнашу һәм Россия Федерациясенең кайбер закон актларына үзгәрешләр кертү турында” гы закон таләпләрен бозган өчен административ һәм башка җаваплылыктан азат итүгә китерми. Төрле затлар белән төзелгән һәм аны тапшыруны күздә тоткан бер үк фатирга карата теркәлмәгән килешүләрнең үтәлеше турында бәхәсләр килеп туган очракта, фатирны бары тик 214-ФЗ номерлы Федераль закон нигезләмәсе нигезендә теркәлгән килешү буенча гына тапшыруны таләп итәргә мөмкин. Теркәлмәгән шартнамәләр буенча фатирларны тапшыру таләпләре булган затлар бу очракта төзүчедән РФ ГК 398 ст. нигезендә зыянны каплауны таләп итәргә хокуклы.