Еш бирелә торган сораулар

Россия Федерациясе Хөкүмәтенең 2014 елның 13 октябрендәге 1048 номерлы карары (алга таба-кагыйдәләр) белән расланган Инвалид балаларны карау өчен өстәмә түләүле ял көннәре бирүнең яңа кагыйдәләре нигезендә инвалид баланы караган өчен эшчегә ял көннәре бирү өчен документлар исемлеге үзгәртелде. Халыкны социаль яклау органнарыннан баланың махсуслаштырылган балалар учреждениесендә (теләсә кайсы ведомство карамагындагы) тулы дәүләт тәэминатында булмавын күрсәтеп, инвалидлык турында белешмә урынына  инвалид баланың яшәү (тору яки фактта яшәү) урынын раслаучы документлар таләп ителә.

Кагыйдәләрнең 3 пункты нигезендә (2014 елның 24 октябрендә үз көченә кергән) хезмәткәр эш бирүчегә түбәндәге документларны тапшырырга тиеш: а) медик-социаль экспертиза бюросының (баш бюросының, федераль бюроның) инвалидлык билгеләү фактын раслаучы белешмә; б) инвалид баланың яшәү (тору яки фактта яшәү) урынын раслаучы документлар; в) баланың туу (уллыкка алу) турында таныклык йә инвалид баланы опекага алуны раслаучы документ; г) әти-әнинең берсенең (опекун, попечительнең) эш урыныннан  шул ук календарь айда түләнә торган өстәмә ял көннәре файдаланылмаган яки өлешчә файдаланылган, яки әти-әнинең берсенең (опекун, попечитель) эш урыныннан шушы ук календарь айда өстәмә түләүле ял көннәре бирү турында гариза алынмаган булса.

Мондый белешмә Кагыйдәләрнең 5 пунктында күрсәтелгән очракларда таләп ителми (әгәр ата-ананың берсенең  (опекун, попечительнең) үлү фактын документаль раслау, аны хәбәрсез югалган дип тану, ата-ана хокукыннан мәхрүм итү (чикләү), иректән мәхрүм итү, аның хезмәт командировкасында бер календарь айдан артык булу яки башка шартлар булса, шулай ук  ата-ананың икенчесенең (опекун, попечитель) инвалид баланы карый алмавын раслаучы башка шартлар булса, шулай ук ата-ананың берсе инвалид баланы тәрбияләүдән качса). Әлеге белешмә оригиналда бирелә.