2012-2014 елларга коррупциягә каршы комплекслы республика программасы чараларының тормышка ашырылуын тикшерү
2012 елның 21 июне, пәнҗешәмбе
Быелның 19 июнендә Татарстан Республикасы Юстиция министрлыгының мәгълүмат-аналитика эше, координацияләү һәм планлаштыру бүлеге белгечләре 2012-2014 елларга коррупциягә каршы комплекслы республика программасы чараларының үтәлешенә тикшерүләр үткәрү графигына ярашлы рәвештә Татарстан Республикасы Мөслим муниципаль районына күчмә тикшерү үткәрү өчен барып кайттылар.
Тикшерү предметы 2012-2014 елларга коррупциягә каршы комплекслы республика программасының җирле үзидарә органнарына үтәлеше беркетелгән коррупциягә каршы чаралар булды.
Тикшерү нәтиҗәләре буенча Мөслим муниципаль районы башлыгы Р.Р.Хабипов катнашында районга кергән җирлекләрнең башлыклары һәм районның башкарма комитеты хезмәткәрләре белән видеоконференция тәртибендә киңәшмә үткәрелде. Киңәшмәдә коррупциягә каршы тору буенча төп эшчәнлек юнәлешләре билгеләнде, аларның җирле үзидарә органнарында коррупциягә каршы чаралар үткәрү өчен җаваплы затлар тарафыннан ныграк игътибар бирүне таләп итүе ачыкланды.
Тикшерү нәтиҗәләрен чагылдырган белешмәләр коррупциягә каршы тору эшен яхшырту буенча тәкъдимнәр белән бергә, алга таба үз эшендә куллану өчен, Мөслим муниципаль районы башлыгына юлланачак.
Күрсәтелгән белешмә белән Татарстан Республикасы Юстиция министрлыгы сайтының «Коррупциягә каршы тору» бүлегенең «2012-2014 елларга коррупциягә каршы комплекслы республика программасының үтәлешен тикшерүдә тоту” бүлекчәсендә танышырга мөмкин булачак.
ТР Юстиция министрлыгының матбугат хезмәте
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз