Татарстан Республикасы Хөкүмәтенең Хокук бозуларны профилактикалау комиссиясе утырышы

2012 елның 19 июнендә Татарстан Республикасы Министрлар Кабинетында Татарстан Республикасы Хөкүмәтенең Хокук бозуларны профилактикалау комиссиясе утырышы булды.

Әлеге утырышта хокук бозуларны профилактикалау комиссиясе эше кысаларында “Арча һәм Питрәч муниципаль районнарында хокук бозуларны профилактикалау эшенең торышы турында” мәсьәлә каралды. Утыршта Татарстан Республикасы юстиция министры, Хөкүмәт комиссиясе әгъзасы М.М.Корманов нотык белән чыгыш ясады.

Юстиция министры үзенең чыгышында хокук бозуларны профилактикалау буенча тармакара комиссияләрнең, административ комиссияләрнең, ирекле халык дружиналарының, «Форпост» җәмәгать тәртибен саклау буенча яшьләр оешмаларының эшендәге уңай һәм тискәре якларны чагыштырма таблицаларга нигезләнеп ачты, балигъ булмаганнар, элек хөкем ителгән затлар, җинаятьне исерек хәлдә кылган затлар, төркемнәр арасында җинаятьчелекнең динамикасын күрсәтте.

Уздырылган утырыш нәтиҗәләренә карап, Арча һәм Питрәч муниципаль районнарында җирле үзидарә органнарының һәм бүтән субъектларның хокук бозуларны профилактикалау эшендәге кимчелекләрен бетерүне күз алдында тоткан бер рәт карарлар кабул ителде.

ТР Юстиция министрлыгының матбугат хезмәте