Хезмәткәрнең шәхси хезмәт бәхәсен хәл итүне сорап судка мөрәҗәгать итү вакытын озайтырга тәкъдим ителә

Бүген Дәүләт Думасы беренче укылышта “РФ Хезмәт кодексының 392 статьясына үзгәрешләр кертү турында” федераль закон проектын карап тикшерергә планлаштыра. Закон проекты белән хезмәткәрнең шәхси хезмәт бәхәсен хәл итүне сорап судка мөрәҗәгать итү вакытын бер елга кадәр, ә эштән азат итү турында бәхәсләр буенча – 3 айга кадәр озайтырга тәкъдим ителә

Моннан тыш, РФ Хезмәт кодексының 392 статьясына яңа норма өстәргә тәкъдим ителә, аның нигезендә әгәр хезмәткәр федераль хезмәт инспекциясе яки прокуратура органнарына бәхәсне чишүнең бүтән судка кадәр ысулларын куллануны сорап мөрәҗәгать иткән очракта,  шәхси хезмәт бәхәсен хәл итүне сорап судка мөрәҗәгать итү вакыты узу туктатылып торыла.

Аңлатмадан аңлашылганча, мондый үзгәрешләр РФ Хезмәт кодексының 392 статьясы нигезләмәләрен гаделлек һәм тигезлек конституциячел принципларына туры китерү, шулай ук хезмәткәрләргә бозылган хокукларын яклау өчен һәм торгызу өчен законда каралган барлык ысулларны файдалана алу өчен оптималь шартлар тудыру өчен зарур.

РФ Хөкүмәте закон проектын хупламый, үз бәяләмәсендә ул судка үз вакытында мөрәҗәгать итүнең хезмәткәр ихтыярына бәйле булуны, ә вакытны җитди сәбәпләр аркасында уздырып җибәргән очракта, аны суд тарафыннан торгызырга мөмкин булуын (РФ ХК 392 статьяның өченче өлеше) билгели.

 

WWW. LEGIS.RU