ТР ЮМ Хокукый мәсьәләләр буенча җирле үзидарә органнары белән багланышлар оештыру департаменты киңәшмәсе

13 мартта ТР юстиция министры М.М.Корманов рәислегендә ТР юстиция министры урынбасары А.А. Ощепковның турыдан-туры катнашында Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты киңәшмәсе булды, ул 2007 елда эш йомгаклары һәм 2008 елга Департаментның төп бурычларына багышланган иде.

Үз чыгышында министр Департамент белгечләре игътибарын хәзерге вакытта департамент белгечләре гамәлгә ашыра торган эшнең сыйфатын һәм аның тәртипкә салынуын яхшырту кирәклегенә юнәлтте, муниципаль хокукый актларны теркәүгә алу турында закон кабул ителгәннән соң эшнең күләме сизелерлек артачак.

Киңәшмәгә Татарстан Республикасы Министрлар Кабинетының башкарма хакимият органнарының җирле үзидарә органнары белән багланышлары бүлеге җитәкчесе урынбасары А.Р.Хәбибуллин, ТР прокуратурасы вәкиле – федераль законнарны үтәүгә күзәтчелек итү бүлеге җитәкчесе М.Х. Фатыйхов чакырулы иде.

Үз чыгышында ТР прокуратурасы вәкиле прокуратура һәм Департамент белгечләренең урыннарда бурычлары охшаш булуга басым ясады: муниципалитетлар хокукый киңлектә эшләргә тиешләр, әмма муниципалитетлар хезмәткәрләренең әзерлек дәрәҗәсе җитәрлек түгел. Шулай ук ул Департамент белгечләренең прокуратура белән багланышта булуларына тукталды.

Министрлык җитәкчелеге тарафыннан прокуратурага багланышлар турында килешү төзергә тәкъдим итте, анда өченче як буларак муниципаль берәмлекләр катнашырга мөмкин, бу муниципаль хокукый актлар проектларын әзерләү этабында законнарны бозуны булдырмаска ярдәм итәчәк. Министрлык тәкъдиме прокуратура ягыннан яклау тапты.

2007 елда Департамент белгечләре тарафыннан 4000нән артык муниципаль хокукый акт проектына хокукый экспертиза ясалган. Департамент белгечләре алдына билгеле бер бурычлар куелды, аларның берсе – үзләре башкара торган эшнең сыйфатын яхшырту, үз квалификацияләрен күтәрү, министрлыкта стажировка үтү һәм башка бурычлар.