Студентларның Республика хокукый бәйгесенең беренче туры үтте

Кичә Татарстан Республикасы югары уку йортлары (юридик факультетлар) студентлары арасында ТАССР юстиция министры Ә.Г.Таҗетдинов истәлегенә багышланган Республика бәйгесенең 1 туры булды, аны ТР Юстиция министрлыгы һәм Татарстан Республикасында КонсультантПлюс челтәренең Татарстан Республикасындагы рәсми вәкиле – “КонсультантПлюс.Мәгълүмати технологияләр” ҖЧҖ оештырдылар. Бәйгедә Татарстан Республикасының 15 ВУЗыннан 195 студент катнашты.

Бәйгенең 1 туры анда катнашырга гариза җибәргән ВУЗлар диварлары эчендә үтте. Командалар катнашучылары дәүләт һәм хокук теориясе, конституциячел, граждан, сайлау хокукы һәм хокукның башка тармакалары буенча барлыгы 45 сораудан торган язма тест рәвешендәге биремне үтәделәр. Тестны бәйгенең оештыру комитеты әгъзалары үткәрде.

1 тур нәтиҗәләре буенча иң күп балл җыйган студентлар җиңү өчен көрәшне бәйгенең йомгаклау турында дәвам итәчәкләр, ул 2008 елның 20 мартында Татарстан Республикасы Юстиция министрлыгында үтәчәк.

Икенче турда иң күп балл җыйган түбәндәге 13 студент катнашачак:

 

Искә төшерәбез, 2008 елдан башлап бәйге республика статусын алды һәм ТАССР юстиция министры Ә.Г.Таҗетдинов истәлегенә багышланган. Быел хокук бәйгесендә катнашырга Түбән Каманың ике ВУЗы да кушылды: Мәскәү гуманитар-икътисад институтының Түбән Кама филиалы һәм Түбән Кама муниципаль институты. Аларның студентлары, 2 турга үтмәсәләр дә, яхшы нәтиҗәләр күрсәтте.

Төп көрәш 2 турда катнашучылар арасында булачак. Аларга бүгенге хокук мәсьәләләре буенча эссе әзерләргә һәм жюри алдында үз позицияләрен якларга туры киләчәк. Бәйге биремнәре шундый итеп эшләнгән ки, студентлар һөнәри осталыкларын, үзләренең иҗади һәм аналитик сәләтләрен күрсәтә алачак.

Бәйгедә катнашучыларны танылган юристлар, ТР Юстиция министрлыгы, ТР Прокуратурасы, ТР Яшьләр эшләре, спорт һәм туристлык министрлыгы, ТР ҮСК вәкилләре һәм КДУ мөгаллимнәре бәяләячәк.

Җиңүчеләрне кыйммәтле бүләкләр көтә, алар арасында 2008-2009 елларга стипендия дә бар, аны “КонсультантПлюс. Мәгълүмати технологияләр” ҖЧҖ түли.

Моннан тыш, бәйгенең барлык катнашучылары, күпме балл җыюларына карамастан, республика хокук бәйгесендә катнашучы дипломын алдылар, шулай ук "Консультант Плюс” компаниясеннән студентлар өчен махсус әзерләнгән дискка лаек булдылар, ул махсус тупланган хокукый документлар һәм уку материалларыннан – КонсультантПлюс системасыннан 14 000 якын документтан тора (федераль һәм төбәк законнарының хокукый актлары, суд практикасы материаллары, “сорау-җавап” рәвешендә консультацияләр, юридик һәм хисап прессасы басмалар һ.б.). Мәгълүмат 2008 ел башында яңартылган. Дискның чираттагы 9 нчы тиражы 2007-2008 уку елының язгы семестрына багышланган.

Шуны билгеләп үтәргә кирәк, юридик факультетлар студентлары арасында бәйге республикада дүртенче тапкыр уза һәм популярлаша бара. Анда катнашырга Казан филиаллары һәм башка шәһәрләр ВУЗлары студентлары теләк белдерә. Конкурс турында нигезләмә нигезендә Татарстан Республикасы юридик факультетлар студентлары арасында бәйге ел саен үткәреләчәк. Тагын бер елдан соң булачак киләсе ярышка кадәр аны гамәлгә куючылар ВУЗ администрацияләре белән бергә бу мәсьәләне хәл итәчәкләр.