ТР Юстиция министрлыгында статистик хисаплылык буенча яңа программаны өйрәнәләр

Бүген Татарстан Республикасы Юстиция министрлыгында җәмәгать судьялары аппараты хезмәткәрләре белән статистик хисаплылык буенча яңа программаны өйрәнү буенча укулар башланды, ул хөкем ителүчеләргә статистика карточкаларын җыю һәм эшкәртүне яңа форма буенча гамәлгә ашырырга мөмкинлек бирәчәк.

РФ Югары Суды каршындагы Суд департаменты боерыгы нигезендә 2008 елның 1 гыйнварыннан хөкем ителүчеләргә статистика карточкаларының яңа рәвеше кертелде. Моның белән бәйле хөкем ителүчеләр буенча статистика алып бару өчен җаваплы җәмәгать судьялары аппараты хезмәткәрләренә җинаять суд эшчәнлегендә эшләрне карап тикшерү нәтиҗәләре буенча затларны исәпкә алуны хөкем ителүчегә яңа статкарточка төзелешенә туры китерүне тәэмин итәргә кирәк.

Уку 3 көн дәвам итәчәк һәм статистик хисап төзүче җәмәгать судьялары аппараты хезмәткәрләренә кагылачак. 2008 елның 1 апреленә кадәр программа барлык 182 ТР җәмәгать судьялары аппараты участогына урнаштырылачак.

Яңа программа - 2007 ел дәвамында РФның төрле төбәкләрендә уңышлы сынау үткән гадиләштерелгән программа модуле. Программаны гамәлгә ашыру 2008 елның беренче яртысында җинаять җаваплылыгына тартылган затлар турында хисапны билгеләнгән вакытта һәм сыйфатын югалтмый әзерләргә мөмкинлек бирәчәк.

Программа модуле белән эшләргә өйрәтү өчен ТР Юстиция министрлыгына Мәскәүдән программаны эшләүченең вәкиле килде (компания менеджеры Алексей Стрельников), ул җәмәгать судьялары аппараты хезмәткәрләре белән дәресләр алып бара.