Татарстанда ТР Гаилә кодексы эшләнә

Татарстан Республикасында Татарстан Республикасы Гаилә кодексы эшләнә. Бүген эшче төркем ТР Дәүләт Советының Социаль сәясәт комитетында проект турында фикер алышу өчен чираттагы утырышына җыелды, аның эшендә эшче төркем әгъзасы сыйфатында ТР юстиция министрының беренче урынбасары С.Н.Столяров катншаты.

Эшче төркем составында ТР Дәүләт Советы, ТР Президенты Аппараты, ТР Юстиция министрлыгы, ТР Мәгариф һәм фән министрлыгы, ТР Хезмәт, халыкны эш белән тәэмин итү һәм социаль яклау министрлыгы, ТР Министрлар Кабинетының ЗАГС Идарәсе вәкилләре бар. Төркемгә ТР Дәүләт Советы Рәисе урынбасары Р.А.Ратникова җитәкчелек итә.

ТР Юстиция министрлыгы белгечләре эшләнгән закон проектына бәяләмә әзерләделәр. Эшче төркем утырышында чыгыш ясаган С.Н.Столяров Татарстан Республикасы Гаилә кодексы проектына хокук ягыннан бәя бирде, аның буенча закон проектының федераль законнарга карата булган каршылыкларын бетерү, аның аерым нигезләмләрен тәгаенләү һәм төгәлрәк итеп бирү, эшләнә торган закон проекты белән гамәлгә ашырылачак хокукый җайга салу механизмын камилләштерү буенча тәкъдимнәр кертү таләп ителә.