Татарстан Республикасы Юстиция министрлыгы командасы җиңел атлетика буенча ярышларда иң яхшы унлыкка керде
Казанның “Хезмәт резервлары” стадионында Татарстан Республикасы Дәүләт хезмәткәрләре спартакиадасы кысаларында җиңел атлетика буенча ярышлар узды. Ярышлар дәүләт хезмәткәрләре арасында сәламәтлекне ныгытуда һәм физик активлыкны арттыруда мөһим роль уйный, бу “Демография” илкүләм проектының “Спорт - тормыш нормасы” федераль проекты максатларына һәм бурычларына туры килә.
Татарстан Республикасы Юстиция министрлыгы командасы, 12 нче урыннан 10 нчы урынга күтәрелеп, узган елгы нәтиҗәләрен яхшыртты. Ярышларда республиканың төрле министрлыклары һәм ведомстволарыннан 20 команда катнашты. Татарстан Республикасы Юстиция министрлыгы командасы составына Нияз Закиров, Илсөя Хисамова, Ильяс Хөснетдинов һәм Юлия Роматова кертелгән иде.
“Беренче унлыкка чыгу - безнең команда өчен әһәмиятле казаныш. Без бу нәтиҗәгә, бигрәк тә катнашучылар арасында конкуренциянең югары булуын исәпкә алсак, ихлас күңелдән шатбыз. Җиңел атлетика ярышлары безнең өчен рухи көч һәм физик әзерлек сынавы булды. Киләсе ярышларга икеләтә энергия белән әзерләнәбез”, - диде Нияз Закиров.
Спартакиаданың киләсе этабы мини-футбол ярышларына багышланачак.