Татарстанда Бөтенроссия хокукый ярдәм атналыгы кысаларында гаилә мәнфәгатьләрен яклау мәсьәләләре буенча 150дән артык чара оештырыла
Татарстанда Бөтенроссия хокукый ярдәм атналыгы кысаларында гаилә мәнфәгатьләрен яклау мәсьәләләре буенча 150дән артык чара оештырыла
Татарстан Республикасында 2025 елның 7 июленнән 13 июленә кадәр гаилә мәнфәгатьләрен яклау мәсьәләләре буенча Бөтенроссия хокукый ярдәм атналыгы уздырылачак.
Республиканың барлык районнарында түләүсез юридик консультация пунктлары эшләячәк. Гражданнар дәүләт ярдәме һәм ташламалар алу тәртибенә, яшь гаиләләрнең хокукларын тәэмин итүгә, балалар мәнфәгатьләрен яклауга, опека һәм попечительлеккә, шулай ук балалар-ата-аналар мөнәсәбәтләрен җайга салуга кагылышлы төрле мәсьәләләр буенча хокукый ярдәм ала алачаклар.
Татарстан Рәисе Рөстәм Миңнеханов кушуы буенча бүгенге көндә әлеге эшнең өстенлекле юнәлешләренең берсе - хәрбиләргә һәм аларның гаилә әгъзаларына ярдәм итү. Бөтен Татарстан территориясендә түгәрәк өстәлләр, юристлар белән гаилә очрашулары, профилактик юнәлештәге видеолекторияләр, тренинглар, тематик уеннар, хокукый сәгатьләр, шулай ук махсус хәрби операциядә катнашучылар һәм аларның туганнары өчен махсус белем бирү чаралары оештырылачак.
Бөтенроссия хокукый ярдәм атнасы инде икенче ел рәттән уздырылачак һәм Гаилә, мәхәббәт һәм тугрылык көненә – изге Петр һәм Феврония Муромскийлар хөрмәтенә истәлекле датаны бәйрәм итүгә багышланачак. Татарстан Республикасы юстиция министры Рөстәм Заһидуллин сүзләренә караганда, узган ел тәҗрибәсе мондый чараларның кирәклеген күрсәткән: "2024 елда, шул исәптән семинарлар, түгәрәк өстәлләр, тренинглар һәм хокукый мәсьәләләр буенча консультацияләрне дә кертеп, 1700дән артык чара үткәрелгән. Бу чараларда 61 меңнән артык кеше катнашкан".
Татарстан Республикасында гаилә мәнфәгатьләрен яклау мәсьәләләре буенча Бөтенроссия хокукый ярдәм атнасын оештыру һәм уздыру буенча чараларның бердәм планы белән Татарстан Республикасы Юстиция министрлыгының рәсми сайтында танышырга мөмкин.
Сезне чараларда көтәбез! Кушылыгыз!