Татарстан Юстиция министрлыгының Ветераннар советы беренче яртыеллыкка йомгак ясады
Татарстан Юстиция министрлыгының Ветераннар советы беренче яртыеллыкка йомгак ясады
Татарстан Республикасы Юстиция министрлыгының Ветераннар советы 2025 елның беренче яртыеллыгына йомгак ясады. Утырышны Татарстан Республикасы юстиция министры урынбасары, ветераннар Советы Рәисе Мөхәррәм Ибәтов үткәрде.
Ул билгеләп үткәнчә, Совет эшчәнлегенең төп юнәлешләреннән берсе ветераннарның Бөек Ватан сугышында Җиңүнең 80 еллыгын бәйрәм итүгә багышланган чараларда катнашуын оештыру булды.
Утырыш барышында ветераннарның Татарстан Республикасы Рәисен һәм җирле үзидарәнең вәкиллекле органнары депутатларын сайлауда катнашуына аерым игътибар бирелде. Министрлык өчен һәр ветеранның алда торган сайлаулар турында хәбәрдар булуы һәм Татарстанның киләчәге өчен үз тавышын бирүе мөһим.
Ахырда Мөхәррәм Ибәтов 2025 елның беренче яртыеллыгына планлаштырылган чараларның уңышлы үтәлүен ассызыклады һәм ветераннарга Министрлык тормышында актив катнашулары өчен рәхмәт белдерде.