Татарстан Республикасы Әгерҗе суд районы буенча җәмәгать судьяларының суд участокларына эш сәфәре
Татарстан Республикасы юстиция министры Рөстәм Заһидуллин эш визиты белән Әгерҗе районына барды, анда ул 1 нче һәм 2 нче җәмәгать судьяларының суд участокларында гадел хөкем эшләрен башкару шартлары белән танышты. Хәзерге вакытта җәмәгать судьяларының суд участоклары Әгерҗе шәһәре, Карл Маркс урамы, 24 йорт адресы буенча 1935 елда төзелгән бинада урнашкан.
Республика суд участоклары биналарының техник торышына 2024 елда үткәрелгән аудит нәтиҗәләре буенча җәмәгать судьяларының кайбер биналары, шул исәптән Әгерҗе районында да, канәгатьләнерлек хәлдә түгел һәм капиталь ремонтка мохтаҗ дип танылды.
Татарстан Республикасы Рәисе Рөстәм Миңнеханов ярдәме белән “Татарстан Республикасында юстицияне үстерү” республика дәүләт программасы буенча Татарстан Республикасында суд участоклары биналарын ремонтлау өчен өстәмә финанслау бүлеп бирү хупланды.
“Суд системасын үстерү инфраструктураны модернизацияләүдән башка мөмкин түгел. Биналарда уңайлы шартлар булу хезмәткәрләр өчен дә, шулай ук үз хокукларын яклауны сорап мөрәҗәгать итүчеләр өчен дә мөһим”, - диде министр.