Татарстанның җәмәгать юстициясенә 25 ел: Саба суд районы буенча 1 нче суд участогы җәмәгать судьясы үзенең карьерасы һәм гадел хөкем эшчәнлеген үстерү турында
Быел Татарстан Республикасы җәмәгать судьялары институты үзенең 25 еллыгын билгеләп үтә. Чирек гасыр эчендә җәмәгать юстициясе системасы шактый зур үсеш юлын узды, хезмәткәрләрнең эш шартларын һәм гражданнарга хезмәт күрсәтү сыйфатын тамырдан яхшыртты.
Татарстан Республикасы Рәисе Рөстәм Нургали улы Миңнеханов карары белән “Татарстан Республикасында юстицияне үстерү” дәүләт программасы расланды, аның кысаларында биналарны матди-техник тәэмин итү дә, капиталь ремонтлау да каралган. “Судларга мөрәҗәгать итүче гражданнар кыенлыклар кичерергә тиеш түгел”, - дип саный Рөстәм Миңнеханов.
Юбилей датасын бәйрәм итү кысаларында җәмәгать судьялары һәм аларның аппаратлары тарихына аерым игътибар бирелә. Татарстан Республикасы Саба суд районы буенча 1 нче суд участогы җәмәгать судьясы моңа ачык мисал, ул үзенең эшчәнлеген 2007 елда Казан дәүләт университетының юридик факультетын тәмамлаганнан соң ук башлаган.
“Суд системасында мин җәмәгать судьялары администраторыннан алып җәмәгать судьясы булуга кадәрге юлны уздым. Социаль мөһим эш белән мәшгуль булуымны тою миңа зур мотивация булып тора”, - ди ул.
Тулырак мәгълүмат телесюжетта!