Татарстан Республикасы Юстиция министрлыгы командасы мини-футбол буенча дәүләт хезмәткәрләре cпартакиадасында катнашты
Казанда мини-футбол буенча Татарстан Республикасы Дәүләт хезмәткәрләре спартакиадасы матчлары тәмамланды. Ярышларда катнашучылар арасында ТР Юстиция министрлыгы командасы да бар иде.
Юстиция министрлыгы хезмәткәрләре турнир дәвамында югары дәрәҗәдәге уен һәм чын ярыш рухы күрсәттеләр. Спортчыларга үз командасы өчен җан атарга гаилә әгъзалары белән бергә килгән хезмәттәшләре зур рухи ярдәм күрсәтте.
“Вконтакте” дагы рәсми битендә Татарстан Республикасы юстиция министры Рөстәм Заһидуллин лаеклы чыгышлары өчен команда уенчыларына да, хезмәттәшләренә актив рәвештә көч биреп торганнары өчен җанатарларга да рәхмәт белдерде: “Җанатарларга аерым рәхмәт, гаиләләре белән килделәр”, – дип билгеләп үтте министр.
Юстиция министрлыгы футболчылары командасы җайга салынган уен һәм максатчанлыгы белән аерылып торды. “Без Спартакиадада ел саен катнашабыз һәм бу һәрвакыт бик дулкынландыргыч була. Ярышлар атмосферасы, хезмәттәшләребез һәм туганнарыбыз ярдәме безне матчлар вакытында гына түгел, көндәлек эшебездә дә энергия белән тулыландыра”, - дип ассызыкладылар спортчылар.
Хезмәттәшләребезгә Министрлыкны лаеклы тәкъдим иткәннәре, рухи ныклыклары һәм җиңүгә омтылышлары өчен рәхмәт белдерәбез! Спартакиадада алга таба да уңышлар телибез!