Татарстан Юстиция министрлыгында республика икътисадына федераль акчалар җәлеп итү буенча эш төркеме утырышы узды
Татарстан Республикасы Юстиция министрлыгында 12 нче эшче төркем утырышы булды, анда дәүләт һәм федераль максатчан программалар буенча федераль финанслауны җәлеп итү һәм файдалану мәсьәләләре каралды.
Утырышны VIII чакырылыш Россия Федерациясе Федераль Җыены Дәүләт Думасы депутаты Руслан Гаджиев ачып җибәрде. Ул республика үсеше өчен өстәмә федераль акчалар җәлеп итү буенча системалы эшнең мөһимлеген ассызыклады.
“Безнең төп бурыч - федераль акчаларны максималь җәлеп итү һәм аларны Татарстанның икътисады һәм социаль өлкәсе үсеше өчен нәтиҗәле файдалану”, - диде ул.
Утырышта дәүләт һәм федераль максатчан программаларны гамәлгә ашыру өчен җаваплы дәүләт органнары вәкилләре катнашты. Киңәшмә барышында билгеләп үтелгәнчә, 2025 елның 1 гыйнварыннан 1 октябренә кадәр 12 нче эш төркеменең 9 утырышы уздырылган.
Республика икътисадына федераль бюджет акчаларын җәлеп итү буенча эш төркеменә шул исәптән “Нәтиҗәле һәм конкурентлы икътисад” илкүләм проекты беркетелгән, аны гамәлгә ашыру республиканың киләчәк үсеше өчен стратегик әһәмияткә ия.
Утырыш йомгаклары буенча 2025 ел ахырына кадәр эшнең өстенлекле юнәлешләре ассызыкланды, шулай ук киләсе елга төп бурычлар билгеләнде.