Татарстан Республикасы җәмәгать судьялары аппаратларының 11 дәүләт хезмәткәре аттестацияне уңышлы узды
Бүген юстиция министры урынбасары Марат Низамиев җитәкчелегендә видеоконференцэлемтә режимында Татарстан җәмәгать судьялары аппаратлары хезмәткәрләрен аттестацияләү комиссиясе утырышы узды.
Аттестацияләнүчеләр арасында республиканың төрле районнарыннан килгән җәмәгать судьялары ярдәмчеләре, суд утырышы секретарьлары, 2 нче разрядлы белгечләр һәм 2 нче разрядлы өлкән белгечләр-канцелярия мөдирләре бар иде.
“Җәмәгать судьяларының суд участокларында эшләү процессуаль законнарны белүне, югары профессионализмны, стресска чыдамлыкны һәм башка бик күп күнекмәләрне күздә тота”, - дип билгеләп үтте Министрлыкның кадрлар һәм дәүләт хезмәте бүлеге башлыгы Татьяна Латыева.
Тавыш бирү йомгаклары буенча комиссия карары белән 11 аттестацияләнүче дә дәүләт граждан хезмәте вазыйфаларына туры килә дип танылдылар.