Татарстан Юстиция министрлыгында 2025 елда дәүләт вәкаләтләрен үтәү буенча иң яхшы белгечне билгеләделәр
Татарстан Юстиция министрлыгында республиканың тапшырылган дәүләт вәкаләтләрен үтәү өчен җаваплы белгечләр арасында “Үз һөнәрендә иң яхшысы” исеменә конкурсның финал этабы узды.
Финалга 17 кеше чыкты: “Административ комиссиянең иң яхшы җаваплы секретаре” номинациясе буенча - 11 кеше, “Муниципаль регистр алып бару өчен җирлекләрдән кирәкле мәгълүмат җыю буенча иң яхшы җаваплы зат” номинациясе буенча - 6 кеше. Конкурста катнашучылар йомгаклау тестын үттеләр, аның нәтиҗәләре буенча һәр номинациядә җиңүчеләр билгеләнде.
“Үз һөнәрендә иң яхшысы” конкурсы тапшырылган аерым дәүләт вәкаләтләрен үтәү өчен җаваплы булган иң квалификацияле белгечләрне ачыклау һәм бүләкләү өчен үткәрелә. Конкурста катнашу катнашучыларның һөнәри белемнәрен һәм күнекмәләрен бәяләргә, шулай ук аларның һөнәрләренең абруен күтәрергә мөмкинлек бирә.
Бүген конкурс комиссиясе утырышында конкурс җиңүчеләре расланды. “Муниципаль регистр алып бару өчен җирлекләрдән кирәкле мәгълүмат җыю буенча иң яхшы җаваплы зат” номинациясендә – “Лениногорск муниципаль районы” муниципаль берәмлеге Советы Аппаратының җирлекләрнең җирле үзидарә органнары белән эшләү һәм территориаль органнар белән үзара хезмәттәшлек бүлегенең әйдәп баручы белгече Бәдертдинова Эльвира Сәет кызы.
“Административ комиссиянең иң яхшы җаваплы секретаре” номинациясендә: беренче категория буенча – Арча муниципаль районы административ комиссиясенең җаваплы секретаре Сафиуллин Айрат Фидаил улы; икенче категория буенча – Зәй муниципаль районы административ комиссиясенең җаваплы секретаре Ризванова Алия Җәүдәт кызы.
Җиңүчеләрне котлыйбыз!