Татарстан Республикасы Саба муниципаль районында хокук бозуларны профилактикалауның торышы өйрәнелде
2025 елның 19-20 ноябрендә Татарстан Республикасы Хокук бозуларны профилактикалау буенча Хөкүмәт комиссиясенең эшче төркеме Татарстан Республикасы Саба муниципаль районында хокук бозуларны профилактикалау эшен оештыру торышын өйрәнде.
Профильле министрлыклар һәм ведомстволар вәкилләре, расланган план-йөкләмә нигезендә эш итеп, хокук бозуларны профилактикалауның барлык субъектлары эшенең нәтиҗәлелеген комплекслы өйрәнделәр.
Татарстан Республикасының “Җәмәгать тәртибен тәэмин итү һәм җинаятьчелеккә каршы көрәш” дәүләт программасы кысаларында процесс чаралары комплексын гамәлгә ашыруны анализлауга аерым игътибар бирелде.
Тикшерүгә 20 ноябрьдә юстиция министры урынбасары Мөхәррәм Ибәтов үткәргән киңәйтелгән киңәшмәдә нәтиҗәләр ясалды. Чарада Саба муниципаль районы башлыгы урынбасары Расих Закирҗанов, район прокуроры Раил Шәймәрданов, шулай ук районның барлык хокук бозуларны профилактикалау субъектлары вәкилләре һәм авыл җирлекләре башлыклары катнашты. Фикер алышу нәтиҗәләре буенча районда профилактика эшен камилләштерүнең өстенлекле бурычлары һәм юнәлешләре билгеләнде.