Министр урынбасары Мөхәррәм Ибәтов җитәкчелегендә  2025 елның 28 мартында Татарстан Республикасы муниципаль берәмлекләренең авыл җирлекләре башлыкларын чираттагы кабул итү оештырылды. Чарада Нурлат һәм Питрәч муниципаль районнары башлыклары, җирле үзидарә органнарының җаваплы вазыйфаи затлары, шулай ук Министрлык хезмәткәрләре катнашты.

Юстиция министрлыгы хезмәткәрләре тарафыннан Аксубай муниципаль районы җирле үзидарә органнарының җирлекләрдән Татарстан Республикасы муниципаль норматив хокукый актлары регистрын алып бару өчен кирәкле мәгълүматны җыю вәкаләтләре үтәлешен өйрәнә торган күчмә чара үткәрелде.

Юстиция министры урынбасары Мөхәррәм Ибәтов рәислегендә республика башкарма хакимият органнары, җирле үзидарә органнары, дәүләт учреждениеләре һәм муниципаль учреждениеләр бурычлы булган мөлкәти булмаган характердагы таләпләрне һәм суд карарларын үтәү эшен оештыру һәм хисап белешмәләрен тутыру мәсьәләләренә багышланган киңәшмә узды.

“Татарстан Республикасы дәүләт граждан хезмәтен һәм Татарстан Республикасында муниципаль хезмәтне үстерү” дәүләт программасын үтәү максатыннан авыл җирлекләре башлыклары Министрлык тарафыннан расланган график нигезендә кабул ителә.