Legal Run 2017 йөгерешендә катнашу

2017 елның 20 маенда Татарстан Республикасы юстиция министры урынбасары Н.В.Рагозина һәм әйдәп баручы белгеч Т.С.Свиридова Казанның Кремль яр буенда уздырылган Legal Run 2017 проектында 3 чакрымга хәйрия йөгерешендә катнаштылар. Legal Run проекты 2014 елдан башлап бар дөньяның юристлар берләшмәләре вәкилләрен “Тормыш бүләк ит” хәйрия фондына һәм берничә төбәк фондларына ярдәм итүгә берләштерә. Кертемнәр йөгерешкә онлайн-теркәлү узган чакта җыела һәм акчалар турыдан-туры проект партнеры - кешеләргә адреслы медицина ярдәме күрсәтүче “Тормыш бүләк ит” хәйрия фонды счетына күчәләр. Йөгерешләрдә ел саен Россия һәм чит илләр юридик фирмалары, компанияләрнең эчке юридик хезмәтләре вәкилләре, юридик факультетлар студентлары һәм укытучылары катнаша. Йөгереш чакрымнарын - 3 яки 5 чакрым - сайлап алырга мөмкин иде.