Тәҗрибә уртаклашу
2017 елның 7-9 июнь көннәрендә Татарстан Республикасы юстиция министры урынбасары Надежда Рагозина Россия Федерациясе субъектларында җәмәгать судьялары эшчәнлеген тәэмин итү мәсьәләләре буенча Кырым Республикасының Гаспра бистәсендә Кырым Республикасы Министрлар советы рәисе урынбасары - Кырым Республикасы Министрлар советы аппараты җитәкчесе Лариса Опанасюк җитәкчелегендә узган “түгәрәк өстәл” утырышында катнашты.
Түгәрәк өстәл утырышында җәмәгать судьялары аппаратлары хезмәткәрләренең кадрлар тәэмин ителеше, программа-аппарат комплексларының эшчәнлеген камилләштерү, профессиональ белем бирүне һәм квалификация күтәрүне оешыру, суд участокларының иминлеген суд приставлары хезмәте белән берлектә тәэмин итү һәм башка мәсьәләләр каралды.
Фикер алышуларда Санкт-Петербург җәмәгать судьялары эшчәнлеген тәэмин итү буенча идарә башлыгы Николай Прохорков, “Ленинград өлкәсе җәмәгать судьялары суд участокларын матди-техник тәэмин итү үзәге” Ленинград өлкәсе хокук тәртибе һәм иминлек комитеты дәүләт казан учреждениесе җитәкчесе Алексей Тепцов, Ставрополь шәһәре җәмәгать судьялары эшчәнлеген тәэмин итү идарәсе башлыгы Иван Зровка катнаштылар.