Республика җәмәгать судьялары аппаратлары хезмәткәрләре арасында “Үз профессиясендә иң яхшысы” исеменә конкурсның ярымфинал этабы
2019 елның 1 ноябрендә Юстиция министрлыгында республика җәмәгать судьялары аппаратлары хезмәткәрләре арасында “Үз профессиясендә иң яхшысы” исеменә конкурсның ярымфинал этабы узды.
Конкурсның ярымфинал этабы түбәндәге темалар буенча 40 сораудан торган тест узудан гыйбарәт:
Россия Федерациясенең суд системасы;
Россия Федерациясенең гражданлык, җинаять һәм административ законнары;
Суд эшчәнлеге;
Дәүләт граждан хезмәте;
Рус теле орфографиясе һәм пунктуациясе;
Вазыйфаи бурычлар.
Конкурсның ярымфинал этабында “Җәмәгать судьялары аппаратының иң яхшы консультанты” һәм “Җәмәгать судьялары аппаратының иң яхшы суд утырышы секретаре” номинацияләрендә һәр номинациядә 5әр кеше, “2 разрядлы иң яхшы белгеч – җәмәгать судьясы аппаратының канцелярия мөдире” һәм “Җәмәгать судьясы аппаратының 2 разрядлы иң яхшы белгече” номинацияләрендә һәр номинациядә 2шәр кеше катнашты.
Тестлаштыру нәтиҗәләре Комиссия утырышында билгеле булачак.
Конкурсның финал этабына узган катнашучылар исемлеге белән сайтта танышырга була.