Җирле үзидарә органнары хезмәткәрләрен видео аша кабул итү

2020 елның 8 июле, чәршәмбе

Министр урынбасары Мөхәррәм Ибәтов җирле үзидарә органнары хезмәткәрләре өчен «Гражданнарның үзара салым мәсьәләләре: җыеннар үткәрү, җыен нәтиҗәләрен рәсмиләштерү, түләнмәгән үзара салым акчаларын түләттерү» темасына онлайн - кабул итү үткәрде.

Видео аша кабул итү барышында Министрлыкның җирле үзидарә органнарына хокукый консультация-методик ярдәм күрсәтү бүлеге башлыгы Майя Пашкова җирле үзидарә хезмәткәрләрен кызыксындырган сорауларга җаваплар бирде, шулай ук практикада килеп туган проблемалы мәсьәләләр каралды.