Өлкән җәмәгать судьялары белән йомгаклау киңәшмәсе узды
Татарстан Республикасы юстиция министры урынбасары Надежда Рагозина онлайн-режимда өлкән җәмәгать судьялары белән йомгаклау киңәшмәсен үткәрде, анда Татарстан Республикасы Судьялар советы рәисе Роман Гафаров катнашты.
Надежда Рагозина җәмәгать судьялары эшчәнлеген матди-техник, оештыру-методик һәм финанс ягыннан тәэмин итү эшенә йомгак ясады, шулай ук киләсе елда эшнең төп юнәлешләрен билгеләде.
"Судьялар берләшмәсе белән уртак эш алып бару килеп туган мәсьәләләрне оператив һәм уңышлы хәл итәргә мөмкинлек бирә. Республика җитәкчелеге ярдәме белән агымдагы елда җәмәгать судьялары саны артты, ике өстәмә участок булдырылды, җәмәгать судьялары аппаратларына өстәмә берәмлекләр һәм кайбер статьялар буенча өстәмә финанслау бүлеп бирелде", - дип билгеләп үтте министр урынбасары.
ТР Судьялар советы рәисе Роман Гафаров үз чыгышында өлкән җәмәгать судьялары институтына ихтыяҗ һәм суд эшчәнлеге культурасын арттыру кирәклегенә игътибар итте.
Агымдагы елда республиканың 35 җәмәгать судьясыннан торган яңа җәмәгать судьялары институты оештырылды. Институт бер суд районы чикләрендә җәмәгать судьяларының оештыру хезмәттәшлеген гамәлгә ашыру шартларын һәм тәртибен камилләштерү өчен булдырылган, бу куелган бурычларны оператив хәл итәргә мөмкинлек бирә.