Яңа Чишмә муниципаль районы авыл җирлекләре башкарма комитетлары башлыклары һәм секретарьларын видео аша кабул итү

2021 елның 19 маенда министр урынбасары Мөхәррәм Ибәтов  республиканың Яңа Чишмә муниципаль районы составына керүче авыл җирлекләре башкарма комитетлары башлыклары һәм секретарьларын  видео аша кабул итте. Чарада җирле үзидарә һәм муниципаль регистр алып бару өлкәсендә норматив-хокукый эш бүлеге башлыгы Рәүф Гарипов һәм җирле үзидарә органнарына хокукый консультацион-методик ярдәм күрсәтү бүлеге башлыгы Майя Пашкова катнашты. Видео аша кабул итү кысаларында министр урынбасары Мөхәррәм Ибәтов катнашучыларга җирле үзидарә турындагы законнарда аеруча мөһим үзгәрешләр турында мәгълүмат бирде,  муниципалитетлар практикасында барлыкка килә торган актуаль мәсьәләләрне карады. Видео аша кабул итүдә катнашучылар үзләрен кызыксындырган сорауларны бирделәр һәм тулы җаваплар алдылар.