Татарстан Республикасы Юстиция министрлыгы коллегиясе утырышы

2021 елның 26 маенда Татарстан Республикасы юстиция министры Р.И. Заһидуллин рәислегендә «Татарстан Республикасы башкарма хакимияте органнарының нормалар иҗат итү эшчәнлеге турында» темасына Министрлык коллегиясе утырышы узды. Коллегия утырышында Татарстан Республикасы Премьер-министрының беренче урынбасары Р.К. Нигъмәтуллин, Татарстан Республикасы Прокуратурасы, Татарстан Республикасы Президенты Дәүләт-хокук идарәсе, Татарстан Республикасы Дәүләт Советы, Татарстан Республикасы Министрлар Кабинеты, Татарстан Республикасы дәүләт хакимияте башкарма органнары вәкилләре, Татарстан Республикасы Юстиция министрлыгы коллегиясе әгъзалары, Министрлыкның структур бүлекчәләре җитәкчеләре катнашты.

Татарстан Республикасы юстиция министрының беренче урынбасары А.Г. Галимов «Татарстан Республикасы башкарма хакимияте органнарының нормалар иҗат итү эшчәнлеге турында», Татарстан Республикасы Президенты Дәүләт-хокук идарәсе башлыгы урынбасары И. А. Гомзик «Татарстан Республикасы Президенты эшчәнлеген тәэмин итү өлешендә Татарстан Республикасы башкарма хакимияте органнарының нормалар иҗат итү эшчәнлеге турында», Татарстан Республикасы Прокуратурасының норматив хокукый актларының законлылыгына күзәтчелек бүлеге башлыгы А. Р. Вәлиәхмәтов «Норматив хокукый актларның законлылыгына прокурор күзәтчелеге» темасына чыгышлар ясадылар.

Министрлык коллегиясе утырышында республика хөкүмәтенең закон проектлары белән тәэмин итү, нормалар иҗат итү эшчәнлеген координацияләү һәм камилләштерү, республика башкарма хакимияте органнарының норматив хокукый актларын дәүләт теркәвенә алу мәсьәләләре турында фикер алыштылар.