Татарстан Республикасы Чистай суд районы буенча җәмәгать судьялары бинасын капиталь ремонт уздырганнан соң карау

2021 елның 2 июнендә Татарстан Республикасы юстиция министры Р.И. Заһидуллин, Татарстан Республикасы Югары Суды Рәисе И. И. Гыйләҗев, Татарстан Республикасы буенча Эчке эшләр идарәсе башлыгы З. М. Салихов, Чистай муниципаль районы башлыгы Д. А. Иванов, капиталь ремонт үткәргәннән соң, Чистай суд районы буенча җәмәгать судьялары бинасында булдылар. Чистай шәһәре, Ленин ур., 2 А йорт адресы буенча урнашкан бинада җәмәгать судьяларының барлык дүрт суд участогы урнашкан. Бинада үз хокукларын һәм законлы мәнфәгатьләрен яклауны сорап җәмәгать судьяларына мөрәҗәгать итүче гражданнар өчен дә, шулай ук җәмәгать судьялары һәм аларның хезмәткәрләре өчен дә барлык кирәкле шартлар тудырылган.

Суд участоклары суд утырышлары заллары (залларның берсе халыкның аз хәрәкәтләнүче төркеме өчен һәм җинаять эшләрен карау өчен), судьялар кабинетлары, архив бүлмәләре, сервер, конвой бүлмәләре, ризык кабул итү бүлмәсе, администратор кабинеты белән тәэмин ителгән. Халыкның аз хәрәкәтләнүче төркеме өчен  пандуслы керү юлы һәм санитар урын каралган.

Суд участоклары корпуслы һәм металл мебель, сак-янгын сигнализациясе белән җиһазландырылган, бинага керү контроле һәм видеокүзәтү системалары, IP-телефония урнаштырылган.

Ремонт эшләре “2014 – 2023 елларга Татарстан Республикасында юстицияне үстерү” дәүләт программасында каралган акчалар хисабына башкарылды.

Мөхтәрәм кунаклар коллективны әлеге истәлекле вакыйга белән котладылар, җәмәгать судьялары аппаратлары хезмәткәрләренә лаеклы бүләкләр тапшырдылар, шулай ук отставкадагы судьяларга бүләкләр тапшырылды. Бүләкләнгән коллегаларыбызны котлыйбыз!