Татарстан Республикасы Юстиция министрлыгы каршындагы Иҗтимагый совет утырышы

2021 елның 23 июнендә Ә.Г. Гатауллин рәислегендә Татарстан Республикасы Юстиция министрлыгы каршындагы Иҗтимагый совет утырышы узды, анда Татарстан Республикасы юстиция министрының беренче урынбасары А. Г. Галимов катнашты. Утырышта Министрлар Кабинетының «Татарстан Республикасы Министрлар Кабинетының «2014 - 2023 елларга Татарстан Республикасы дәүләт граждан хезмәтен һәм Татарстан Республикасында муниципаль хезмәтне үстерү» дәүләт программасын раслау турында» 2013 елның 22 ноябрендәге 910 номерлы  карарына үзгәрешләр кертү турында» һәм «Татарстан Республикасы Министрлар Кабинетының «2015-2023 елларга Татарстан Республикасында коррупциягә каршы сәясәтне гамәлгә ашыру» дәүләт программасын раслау турында» 2014 елның 19 июлендәге  512 номерлы карарына үзгәрешләр кертү хакында», «Татарстан Республикасы Министрлар Кабинетының «2014 – 2023 елларга Татарстан Республикасында юстицияне үстерү» дәүләт программасын раслау һәм Татарстан Республикасы Министрлар Кабинетының аерым актлары үз көчен югалткан дип тану турында» 2013 елның 13 сентябрендәге 656 номерлы карарына үзгәрешләр кертү хакында» карарлары проектлары турында фикер алыштылар.

Татарстан Республикасы дәүләт органнары каршындагы иҗтимагый советларның эш тәҗрибәсе белән уртаклашу кысаларында утырышта Татарстан Республикасы сатып алулар буенча дәүләт комитеты Иҗтимагый советының эше турында доклад белән Татарстан Республикасы сатып алулар буенча дәүләт комитеты Иҗтимагый советы әгъзасы А.А. Шеваловский чыгыш ясады.

ТР Юстиция министрлыгы каршындагы Иҗтимагый совет тарафыннан Татарстан Республикасы сатып алулар буенча дәүләт комитеты Иҗтимагый советы белән килешү төзү турында карар кабул ителде.