Хокукый мәсьәләләр буенча ведомствоара координацияләүче комитет утырышы

Татарстан Республикасы юстиция министры М.М.Корманов җиткергән мәгълүмат турында фикер алышканнан соң, Ведомствоара комитет Татарстан Республикасы  Юстиция министрлыгына Татарстан Республикасы башкарма хакимиятенең тармак органнары белән берлектә “Вәкаләтләрне чикләүне камилләштерү белән бәйле Россия Федерациясенең аерым закон актларына үзгәрешләр кертү турында” 29.12.2006 елдагы 258-ФЗ номерлы Федераль законга туры китереп өч ай эчендә кабул ителергә тиешле Татарстан Республикасы закон проектлары исемлеген әзерләүне; әлеге проектларны эшләгән министрлыкларны күрсәтеп, закон проектларын Татарстан Республикасы Министрлар Кабинетына кертү графигын төзүне; Татарстан Республикасы Дәүләт Советының закон проектлары белән эшчәнлегенең якынча планы проектында исәпкә алу өчен ТР Дәүләт Советына тәкъдимнәр кертүне йөкләде.

Закон проектларын эшләүнең югары сыйфатын һәм аларны Татарстан Республикасы Министрлар Кабинетына үз вакытында тапшыруны тәэмин итү максатыннан, ТР Юстиция министрлыгы эшче төркем төзү һәм Татарстан Республикасы закон проектларын Татарстан Республикасы Министрлар Кабинетына кертү графигын раслау турында Татарстан Республикасы Министрлар Кабинеты карары проектын әзерләячәк.

Графикка туры китереп эшләнгән закон проектлары алдан Хокукый мәсьәләләр буенча ведомствоара координацияләүче комитет утырышында тикшереләчәк. Бу планнарны тормышка ашыру өчен 2007 елның 1 мартына кадәр вакыт бирелгән.

Татарстан Республикасы юстиция министры М.М.Корманов мәгълүматын исәпкә алып, Хокукый мәсьәләләр буенча ведомствоара координацияләүче комитет Татарстан Республикасы  Юстиция министрлыгына карар проектын һәм аңарга кушымтаны эшләп бетерергә, Татарстан Республикасы  закон проектларын эшләүнең хакын беренчел бәяләү һәм аларга Татарстан Республикасы  Министрлар Кабинетында экспертиза ясау буенча комиссия составын тәгаенларга, һәм, комитет әгъзалары фикерен исәпкә алып, Татарстан Республикасы Министрлар Кабинеты каравына кертергә тапшырды.

Көн үзәгендә торган чираттагы мәсьәлә Тарловка торак пунктының юридик статусы һәм кайсы территориягә каравы буенча тәкъдимнәр хәзерләү белән бәйле иде.

Доклад белән чыгыш ясаган ТР юстиция министры М.М.Корманов Тарловканың статусы һәм   кайсы территориягә каравы белән бәйле хәлне аңлатты. 

Югарыда әйтелгәннәргә бәйле рәвештә, Хокукый мәсьәләләр буенча ведомствоара координацияләүче комитет Татарстан Республикасы  юстиция министры М.М. Кормановка Татарстан Республикасы Дәүләт Советы, Алабуга, Тукай муниципаль районнары, Чаллы шәһәр округы вәкилләре белән берлектә Тарловканың статусына һәм кайсы территориягә каравына бәйле мәсьәләләрне чишкәндә Тарловка торак пунктында яшәүчеләр фикерен өйрәнү өчен аның халкы белән очрашуны йөкләде.

Бер үк вакытта Алабуга, Тукай муниципаль районнарының, Чаллы шәһәр округының җирле үзидарә органнарына Татарстан Республикасы Юстиция министрлыгы белән берлектә Тарловка торак пунктының статусын һәм кайсы территориягә каравын билгеләү буенча процедураларны өйрәнергә һәм Алабуга, Тукай муниципаль районнары һәм Чаллы шәһәр округы чикләренең картографик тасвирламасына төгәллек кертү буенча тәкъдимнәрне әзерләргә киңәш ителде.

Билгеләнгән мәсьәләне чишү буенча тәкъдимнәр кабат 2007 елның мартында каралачак.

ТР юстиция министрының беренче урынбасары Столяров С.Н. Комитет каравына “Күп фатирлы йортларда уртак милекне ремонтлап бетермәүне юк итү тәртибе турында” ТР законы проектын тәкъдим итте.

Китерелгән мәгълүмат һәм Татарстан Республикасы Төзелеш, архитектура һәм торак-коммуналь хуҗалык министрлыгы вәкилләре белдерүе турында фикер алышканнан соң, Комитет Татарстан Республикасы Төзелеш, архитектура һәм торак-коммуналь хуҗалык министрлыгына Татарстан Республикасы Юстиция министрлыгы белән берлектә закон проектын концептуаль, техник-юридик яктан һәм редакция ягыннан эшләп бетерергә һәм 2007 елның 1 февраленә кадәр комитет каравына тапшырырга кушты.