Хокук буенча республика олимпиадасы йомгаклары

2007 елның 18-21 гыйнварында Казан шәһәрендә Крутушка санаториясе базасында Мәктәп укучыларының хокук белеме буенча республика олимпиадасы үтте. Олимпиадада Татарстан Республикасы шәһәрләре һәм авыллары мәктәпләренең 9-11 сыйныфларында белем алучы 191 укучы катнашты. Хокукый олимпиаданы Татарстан Республикасы Юстиция министрлыгы һәм Татарстан Республикасы Мәгариф һәм фән министрлыгы оештырдылар.

Олимпиаданың абсолют җиңүчесе итеп Казан шәһәренең Мәскәү районындагы 2 нче лицей-интернатның 11 сыйныф укучысы Мәвләкәев Илсур танылды. 10 һәм 9 сыйныфлар арасында беренче урыннарны Адишова Алинәгә (КДУ каршындагы Лобачевский исемендәге лицей) һәм Васянин Ярославка (Казан шәһәренең Мәскәү районындагы 75 нче лицей) бирделәр. Җиңүчеләрнең өчесе дә - Татарстан Республикасының атказанган укытучысы Тимур Акчурин шәкертләре.

Укучыларның предмет олимпиадаларының республика этабын үткәрү турында нигезләмәгә туры китереп, икенче һәм өченче урыннар шәһәр һәм авыл мәктәпләре укучылпры арасында аерым билгеләнә.

11 сыйныфлар арасында икенче урында - Хөснуллина Эльвира (Казан шәһәренең 102 нче гимназиясе) һәм Гыйләҗева Лилия (Менделеевск); 10 сыйныфлар арасында - Ганиева Роксана (Казан шәһәренең 18 нче мәктәбе) һәм Гыйләҗев Гайса (Менделеевск); 9 сыйныфлар арасында - Гыйззәтова Гүзәл (Казан шәһәренең 94 нче гимназиясе) һәм Леонтьев Виктор (Аксубай).

11 сыйныфлар арасында өченче призлы урыны - Гарифуллин Айрат (Казан шәһәренең 64 нче мәктәбе) һәм Сиразов Ленар (Буа); 10 сыйныфлар арасында - Галиева Фатыйма (Казан шәһәренең 122 нче гимназиясе) һәм Хөсәенов Айдар (Апас); 9 сыйныфлар арасында Фефилова Наталья (Казан шәһәренең 9 нчы мәктәбе) һәм Җәләлова Алинә (Теләче) яулады.  

Республика олимпиадасының ике туры биремнәренә дә Татарстан Республикасы Үзәк сайлау комиссиясе соравы белән сайлау законнары буенча сорауларның зур блогы кертелгән иде. Укучылар бу биремне бик яхшы үтәделәр, ә ТР Үзәк сайлау комиссиясе “Сайлау хокукын яхшы белгән өчен” номинациясен билгеләде һәм номинациясендә җиңүчеләрне кыйммәтле бүләкләр һәм дипломнар белән бүләкләде.  

Алда торган сайлаулар алдыннан өлкән сыйныфларда укучылар сайлау хокукына карата аерым кызыксыну белән республика шәһәрләре һәм районнары буйлап таралышты, чөнки бирелгән тормышчан хокукый хәлләрне чишүдә алар белемле потенциаль сайлучылар һәм җирле үзидарә органнары йә дәүләт хакимиятенә кандидатлар рольләрен уйнады.

Өлкән сыйныфлар арасында ришвәтчелеккә каршы көрәш мәсьәләсе буенча белемнәрне үстерү өчен олимпиада биремнәренең бер өлеше Татарстан Республикасының ришвәтчелеккә каршы сәясәте турында законнар буенча сораулардан төзелгән иде.

Әлеге блоктагы сорауларны анализлау яшь буынның бу проблема турында никадәр хәбәрдар булуын күрсәтәчәк.

Соңгы елларда «Мәгълүмати технологияләр» КИТ фирмасы хокук буенча республика олимпиадалары иганәчесе булып тора.  Быел фирманың генераль директоры С.М.Колсанов олимпиадада катнашып, 4-5 урыннарны (призлы булмаган) алган яки аерым бер номинацияләрдә җиңү яулаган укучыларны, шулай ук олимпиаданың республика этабында җиңүче укучыларның  мөгаллимнәрен бүләкләде. Балалар һәм мөгаллимнәр олимпиаданы оештыручыларның игътибарына һәм бүләкләренә рәхмәтле.   

Республика олимпиадасы җиңүчеләрен тагын да җитдирәк сынау көтә - апрель аенда Россия шәһәрләренең берсендә үтәчәк Хокук белеме буенча мәктәп укучыларының бөтенроссия олимпиадасы.

Укучыларны Бөтенроссия олимпиадасына әзерләү өчен татарстан командасы җитәкчесе итеп Татарстан Республикасы атказанган укытучысы Т.Ф.Акчурин билгеләнде. Ул зур педагогик тәҗрибәле, белеме буенча юрист, педагогик хезмәтне чиксез яратучы һәм хокукны укыту методикасын әйбәт белүче кеше. Тимур Фагмиевич хокук белеме буенча республика олимпиадаларына, шулай ук бөтенроссия олимпиадаларына да бик күп укучылар-җиңүчеләр әзерләгән шәхес.

Аның тырыш хезмәте нәтиҗәсендә мәктәп укучыларының татарстан командасы берничә ел дәвамында Мәскәү, Санкт-Петербург, Мәскәү һәм Чиләбе өлкәләре командалары белән беррәттән “команда исәбендә” лидерлар бишлегенә керә. Россия Федерациясе Мәгариф һәм фән министрлыгы лидерлар төркемендә Мәскәү һәм Татарстан Республикасы командаларының нәтиҗәлелеген билгеләп үтә.

Мәктәп укучыларының бөтенроссия олимпиадасында җиңү яулаган балалар өчен гамәлдәге закон нигезендә олимпиада профиле буенча илнең теләсә кайсы югары уку йортына ишекләр ачыла, анда укучылар имтиханнарсыз кабул ителә.

Команданы Бөтенроссия олимпиадасына әзерләү “Нарат урманы” санаториесендә булачак. Бу мәсьәләне чишүне үз өстенә Татарстан Республикасы Яшьләр эшләре, спорт һәм туризм министрлыгы алды.