Балык Бистәсе муниципаль районында “Бердәм Россия көне” акциясе

27 гыйнварда Балык Бистәсе муниципаль районында “Бердәм Россия көне” акциясе үткәрелде. Ул “Бердәм Россия” Гомумроссия сәяси партиясенең Татарстан региональ бүлегенең Башкарма комитеты тарафыннан партиянең региональ бүлеге рәисе, Татарстан Республикасы Дәүләт Советы Рәисе Ф.Х.Мөхаммәтшин җитәкчелегендә оештырылган иде. Акциядә партиянең активистлары, РФ Дәүләт Думасы, ТР Дәүләт Советы депутатлары, министрлыкларның һәм ведомстволарның җитәкчеләре катнашты. “Бердәм Россия көне” акциясендә Татарстан Республикасы Юстиция министрлыгы исеменнән ТР юстиция министрының беренче урынбасары С.Н.Столяров катнашты.

Бердәм россиялеләр Балык Бистәсе районы халкы белән очраштылар, гражданнарның үтенечләрен һәм теләкләрен тыңладылар, аларны кызыксындырган сорауларга җавап бирделәр, берничә авылда, сәламәтлек саклау, социаль хезмәт күрсәтү, мәгариф, мәдәният һәм спорт объектларында булдылар. Акциядә катнашучылар очрашу вакытында халык тарафыннан әйтелгән барлык четерекле мәсьәләләрне исләрендә калдырды, киләчәктә алар буенча конкрет чаралар кулланылачак.

Татарстан Республикасы юстиция министрының беренче урынбасары С.Н.Столяров “Бердәм Россия” чараларында катнашу белән беррәттән район башкарма комитеты хезмәткәрләре белән очрашты, алар белән аерым алганда муниципаль берәмлекләрнең чикләрен тәгаенләүгә кагылышлы, шулай ук Балык Бистәсе администрациясенең ТР Юстиция министрлыгы белән үзара бәйләнешен оештыру мәсьәләләре турында фикер алышты.