2025 елның беренче кварталында Татарстанда яшәүче 1200дән артык кеше түләүсез юридик ярдәм алды
Бүген ТР Дәүләт Советының Законлылык һәм хокук тәртибе комитеты утырышында Татарстанда түләүсез юридик ярдәм күрсәтү турындагы республика законын гамәлгә ашыру турында фикер алыштылар.
Әлеге мәсьәлә буенча юстиция министрының беренче урынбасары Илья Гомзик чыгыш ясады.
Татарстан Республикасы Рәисе Рөстәм Нургали улы Миңнеханов бүгенге көндә республикада махсус хәрби операциядә катнашучыларга һәм аларның гаилә әгъзаларына ярдәм күрсәтүнең өстенлекле юнәлешләрнең берсе булуын әйтте.
"2025 елның I кварталында 1 249 гражданга түләүсез юридик ярдәм күрсәтелде, алар арасында 532 хәрби хезмәткәр һәм аларның туганнары бар", - дип хәбәр итте Илья Александрович.
Тулаем алганда, министрның беренче урынбасары билгеләп үткәнчә, Татарстан Республикасында түләүсез юридик ярдәм күрсәтү өлкәсендә уңай динамика күзәтелә. "Мәсәлән, 2023 ел нәтиҗәләре буенча Татарстан Республикасында 2 548 гражданга түләүсез юридик ярдәм күрсәтелгән, 2024 елда - 4 164, үсеш 63% тәшкил итте", - дип белдерде ул.