Юстиция министрлыгы һәм Россия Гадәттән тыш хәлләр министрлыгы яшенле яңгыр вакытында куркынычсызлык кагыйдәләре турында искә төшерә
Яшенле яңгырлар фаразлануга бәйле рәвештә, Татарстан Юстиция министрлыгы Гадәттән тыш хәлләр министрлыгы белән берлектә гражданнарга яшенле яңгыр вакытында куркынычсызлык чараларын үтәү кирәклеге турында искә төшерә.
Белгечләр искәртүенчә:
- яшен вакытында йөгерү, велосипедта, самокатта яки роликларда йөрү кебек активлык төрләре белән шөгыльләнергә киңәш ителми, чөнки бу, бигрәк тә ачык урыннарда һәм калкулыкларда яшен сугу куркынычын арттыра;
- электр линияләренә һәм биек агачларга якын килмәскә кирәк;
- яшенле яңгыр башлану очрагында нинди дә булса бинага кереп качарга кирәк;
- әгәр якында гына ышык урын булмаса, калкулыктан төшеп, чүгәләп утырырга киңәш ителә.
“Яшенле яңгыр гадәти табигать күренеше кенә түгел, ә һәр гражданиннан үз куркынычсызлыгына җаваплы мөнәсәбәт таләп итә торган хәл. Гади генә кагыйдәләрне үтәү гомерне саклап калырга мөмкин”, - дип кисәтәләр ведомстволар.