Татарстанда яшәүчеләр өчен дипфейк-мошенниклыкка каршы мәгълүмати кампания гамәлдә
Татарстан Республикасы Юстиция министрлыгы РФ Цифрлар министрлыгы белән берлектә Интернет-мошенниклык һәм телефон аша мошенниклыкның үсеп килүче дулкынына каршы торуга юнәлдерелгән “Перезвони Сам” мәгълүмати онлайн-проектын эшләтеп җибәрү турында хәбәр итә. Инициатива кысаларында көндезге һәм онлайн форматта укыту семинарлары үткәрелә.
Проектның төп максаты гражданнарны мошенниклыкның потенциаль схемалары турында актуаль мәгълүмат белән тәэмин итү һәм нәтиҗәле яклау инструментлары бирү. Тематик вебинарлар заманча мәгълүмати куркынычсызлык проблемаларының киң спектрын колачлый, ә катнашучылар экспертлардан консультация алу мөмкинлегенә ия.
Республика халкына түбәндәге мәгълүмат семинарлары материаллары белән танышырга тәкъдим ителә:
-
”Дипфейк-технологияләр кулланып мошенниклык. Ничек алдау корбаны булмаска”;
-
“Инвестицион мошенниклык: ялган вәгъдәләр һәм финанс пирамидалары”; 3.”Шәхси мәгълүматларны мошенниклардан ничек сакларга? Шәхси мәгълүматлардан явызларча файдалану: үз мәгълүматыңны ничек сакларга?”; 4. “Сервислар һәм кушымталар сезнең куркынычсызлык сагында”.
Бүген, 2025 елның 14 октябрендә, 11:00 сәгатьтә “Вконтакте” платформасында “Мошенниклыкның хокукый аспектлары: әгәр корбан булсагыз, нишләргә?” темасынеа семинар була. Семинар кысаларында экспертлар мошенниклардан зыян күрүчеләр өчен гамәлләр алгоритмнарын, дәлилләр җыю һәм хокук саклау органнары белән үзара хезмәттәшлек мәсьәләләрен җентекләп караячак. Катнашучыларга практикадан реаль кейслар һәм нәтиҗәле яклау ысуллары тәкъдим ителәчәк.
Гражданнарга уңайлы булсын өчен проект буенча барлык мәгълүмат, тормыштагы хәлләрне, шикле хәбәрләрне тикшерү инструментларын һәм экспертлар тәкъдимнәрен дә кертеп, сайтта җыеп бирелгән. Шәхси мәгълүмати куркынычсызлык нигезләре буенча өстәмә материаллар кибергигиена программасы ресурсларында бар.
Мошенниклар гамәлләреннән зыян күргән гражданнарга сылтама буенча ярдәм сорап мөрәҗәгать итәргә киңәш ителә.
Уяу булыгыз!