Казанда дәүләт хезмәткәрләренең 2025 елгы спартакиадасы тәмамланды
Казанда Татарстан Республикасы дәүләт хезмәткәрләре спартакиадасы кысаларында йомгаклау ярышлары - волейбол ярышлары узды. Берничә ай дәвамында барган Спартакиада республиканың хакимият органнары вәкилләрен тугыз спорт дисциплинасы: чаңгы ярышы, шахмат, волейбол, җиңел атлетика, йөзү, мини-футбол, өстәл теннисы, бадминтон һәм баскетбол буенча ярышларда берләштерде.
Татарстан Республикасы Юстиция министрлыгы хезмәткәрләре, югары нәтиҗәләрне саклап, программаның барлык төрләрендә дә чыгыш ясадылар. “Дәүләт хезмәткәрләре өчен спорт - ул ярышлар гына түгел, ә һөнәри культура формалаштыруның мөһим элементы, - дип ассызыкладылар республика Юстиция министрлыгында. - Төрле ведомство вәкилләренең спорт мәйданчыкларында чын күңелдән һәм бер-берләренә хөрмәт белән ярышуларын күрү мондый чараларның әһәмиятле булуын иң яхшы дәлил”.
Спартакиада “Физик культура һәм спортны үстерү” дәүләт программасы кысаларында уздырыла һәм дәүләт секторы хезмәткәрләре арасында актив яшәү рәвешен пропагандалауга зур өлеш кертә. Татарстан Республикасы Юстиция министрлыгы коллективы барлык катнашучыларга матур спорт ярышлары һәм гадел көрәш өчен рәхмәт белдерә!