Татарстанда җәмәгать судьяларына кабул ителүгә онлайн-язылу мөмкинлеге бар
Татарстан Республикасы Юстиция министрлыгы гражданнарга җәмәгать судьяларына кабул ителү өчен дәүләт хезмәтләренең төбәк порталы аша язылу мөмкинлеге турында хәбәр итә. Сервис республиканың барлык 190 суд участогын да үз эченә ала һәм халыкның суд системасына керүен сизелерлек җиңеләйтә.
“Язылу өчен гражданнарга Татарстан Дәүләт хезмәтләре порталында “Правосудие онлайн” бүлегенә кереп, тиешле суд районын сайлау һәм суд участогының номерын күрсәтү дә җитә. Кешеләр визитны үзләренә уңайлы вакытта планлаштыра ала” - дип аңлатты җәмәгать судьялары эшчәнлеген оештыру-хокукый тәэмин итү бүлеге башлыгы Юлия Михайлова.
Электрон чират ярдәмендә гражданнар эш материаллары белән танышуга, суд актларын һәм башкару документларын алуга, архив материалларын һәм суд актларын законлы көченә керү тамгасы белән бирүгә языла алалар.