Татарстан Республикасы Юстиция министрлыгы гражданнарның коррупция турында хәбәр итәргә әзерлеге артуын белдерә
Татарстан Республикасы Юстиция министрлыгында коррупция фактлары турында хәбәрләр кабул итү өчен ышаныч телефоны эшли. Гражданнар коррупция күренешләре турында мәгълүмат белән Министрлыкка, республиканың Дәүләт юридик бюросына һәм Татарстан Җәмәгать судьялары аппаратларына мөрәҗәгать итә алалар.
Юстиция министрлыгында коррупцион хокук бозуларны профилактикалау өчен җаваплы Виктория Леонидова сүзләренчә, узган ел нәтиҗәләре уңай тенденция күрсәтә.
“Сораштыру нәтиҗәләре күрсәткәнчә, гражданнарның 43,4% ы коррупция фактлары турында хәбәр итәргә әзер, шул ук вакытта 2024 елда бу процент 37% тәшкил иткән. Коррупция турында хәбәр итәргә кирәк дип санамаучылар саны 9,6% ка кадәр кимеде. Бу коррупциягә каршы көрәш системасына ышаныч артуын күрсәтә”, - дип аңлатты Виктория Игоревна.
Коррупция фактлары турында мәгълүматны тапшыру өчен гражданнар 222-60-30 ышаныч телефоны аша шалтырата алалар. Мөрәҗәгать иткәндә тапшырылган мәгълүматларның тулы конфиденциальлеге гарантияләнә.
Җентекле җавап алу өчен хәбәрдә түбәндәгеләрне күрсәтергә киңәш ителә:
- мөрәҗәгать итүченең исеме, фамилиясе, әтисенең исеме;
- почта яки электрон адресы;
- элемтә өчен телефоны;
- мөрәҗәгатьнең асылын җентекләп тасвирлау.
Республика Юстиция министрлыгы гражданнарны актив гражданлык позициясе күрсәтергә һәм коррупцион хокук бозулар фактларына битараф калмаска чакыра.