Буа шәһәрендә Хокукый мәсьәләләр буенча ведомствоара координацияләү комитетының күчмә утырышы

Буа шәһәрендә Хокукый мәсьәләләр буенча ведомствоара координацияләү комитетының һәм ТР Дәүләт Советының законлылык, регламент һәм депутат этикасы комитетының күчмә утырышы булда. Анда “Муниципаль берәмлекләргә җирле әһәмияттәге мәсьәләләрне хәл итү өчен дәүләт матди ресурслары һәм дәүләт субсидияләре бирү турында” Татарстан Республикасы Законына үзгәрешләр кертү хакында” Татарстан Республикасы законы проекты турында” мәсьәләсе карап тикшерелде. ТР юстиция министры М.М.Корманов җиткергән мәгълүмат турында фикер алышканнан соң, Комитет әгъзалары закон проектын закон чыгару инициативасы тәртибендә Татарстан Республикасы Дәүләт Советына Татарстан Республикасы Министрлар Кабинеты тарафыннан кертү өчен тәкъдим итү карарына килделәр.

Көн кадагындагы икенче мәсьәлә Татарстан Республикасы Буа зонасы муниципаль районнарында (Буа, Югары Ослан муниципаль районнары) хокук бозуларны профилактикалауның күпбуынлы комплекслы системасын төзү эшенең торышы һәм аны активлаштыру чаралары турында иде.

Әлеге мәсьәлә буенча Татарстан Республикасы юстиция министры М.М.Корманов һәм Татарстан Республикасы эчке эшләр министры урынбасары Р.Г.Ногманов җиткергән мәгълүматлар турында фикерләшкәннән соң, Хокукый мәсьәләләр буенча ведомствоара координацияләү комитетының һәм ТР Дәүләт Советының законлылык, регламент һәм депутат этикасы комитеты түбәндәгеләрне билгеләп узды.

2006 елда Буа һәм Югары Ослан муниципаль районнарында хокук бозуларны профилактикалау буенча җирле үзидарә органнары эше активрак һәм максатчанрак булган. Муниципаль берәмлекләр профилактикалау эшчәнлегенең нигез буынына әйләнә бара.

2006 – 2008 елларга хокук бозуларны профилактикалау буенча муниципаль районнар органнары гамәлләренең коиплекслы программалары эшләнгән, гамәлдә һәм тиешле финанс чаралары белән тәэмин ителгән.

Муниципаль районнарда муниципаль район һәм башкарма хакимиятнең территориаль органнары вәкилләренең координацияләү комиссияләре, административ комиссияләр, балигъ булмаганнар эшләре һәм аларның хокукларын яклау буенча комиссияләр төзелгән һәм эшли башлаган.

Моның белән бергә, хокук бозуларны профилактикалау эшендәге кайбер кимчелекле яклар билгеләп узылды. Аерым алганда, 2006 елның 17 маендагы Татарстан Республикасы Муниципаль районнары һәм шәһәр округлары башлыклары советы утырышы протоколы нигезендә төзелгән муниципаль район һәм башкарма хакимиятнең территориаль органнары вәкилләренең координацияләү комиссияләре тулы көчләрендә эшләми.

Административ комиссияләр эшчәлегендә дә аерым кытыршылыклар бар. Алар нигездә аларның вәкаләтләренең, шул исәптән административ хокук бозуларның составын билгеләүнең законнар белән тиешле дәрәҗәдә җайга салынмавы белән бәйле. Күрсәтелгән комиссияләр хокук бозуларны профилактикалауның комплекслы системасында төп координацияләүче җәмәгать коралы була алмаган.

Хокукый мәсьәләләр буенча ведомствоара координацияләү комитеты һәм Татарстан Республикасы Дәүләт Советының законлылык, регламент һәм депутат этикасы комитеты муниципаль районнарның һәм шәһәр округларының башкарма комитетлары башлыкларына, җитәкчеләренә республика башкарма хакимиятенең вәкаләтле органнары һәм аларның территориаль органнары белән бергә хокук бозуларны профилактикалау буенча ведомствоара комиссияләрнең, административ комиссияләрнең, балигъ булмаганнар эшләре һәм аларның хокукларын яклау буенча комиссияләрнең һәм хокук бозуларны профилактикалауның башка субъектларының эшчәнлеген активлаштырырга;

административ, балигъ булмаганнар эшләре һәм аларның хокукларын яклау буенча, опека һәм попечительлек комиссияләренең эшчәнлеген координацияләү өчен, шулай ук хокук бозуларны профилактикалау буенча муниципаль берәмлекләрнең комплекслы программаларын үтәүне контрольдә тотуны тормышка ашыру өчен җаваплыларны билгеләргә;

профилактика системасы комиссияләренең һәм башка органнарының профилактика эшен оештыру, административ хокук бозулар башкарырга хирыс затларга йогынты ясауларның яңа формаларын эзләү буенча оештыру, хокукый һәм аңлату характерындагы чаралар булдырырга, шулай ук муниципаль берәмлекләрдә һәрдаим тәҗрибә уртаклашулар һәм хокук бозуларны профилактикалау өлкәсендәге эш турында үзара хәбәрләшүләр оештырырга;

ТР Юстиция министрлыгына, Балигъ булмаганнар эшләре һәм аларның хокукларын яклау эшләре буенча республика комиссиясенә Татарстан Республикасы муниципаль районнары һәм шәһәр округларының административ комиссияләре, балигъ булмаганнар эшләре һәм аларның хокукларын яклау буенча комиссияләре рәисләренә һәм җаваплы секретарьләренә уку-укытулар үткәрүне оештырырга

ТР Эчке эшләр министрлыгына җирле үзидарә органнары белән бергә 2007 – 2010 елларга Татарстан Республикасында хокук бозуларны профилактикалау буенча комплекслы программада каралган чараларны муниципаль берәмлекләрдә тормышка ашыру чараларын билгеләп куярга йөкләде.

Комиссияләр эшчәнлеген норматив әдәбият белән тәэмин итү максатларыннан түбәндәге норматив хокукый документлар җыентыкларын әзерләүне оештырырга кушылды:

административ комиссияләр эшчәнлеге турында – Татарстан Республикасы Юстиция министрлыгына;

балигъ булмаганнар эшләре һәм аларның хокукларын яклау буенча комиссияләр эшчәнлеге турында – Татарстан Республикасы Яшьләр эшләре, спорт һәм туризм министрлыгына;

опека һәм попечительлек комиссияләре эшчәнлеге турында – Татарстан Республикасы Мәгариф һәм фән министрлыгына.

Чираттагы мәсьәлә “Тәрбиягә бала алган ата-аналарның хезмәте өчен түләү күләме һәм тәрбиягә бала алган гаиләгә бирелүче ташламалар турында” 18.03.2003 елдагы 8-ТРЗ номерлы Татарстан Республикасы Законына үзгәрешләр кертү хакында” Татарстан Республикасы законы проекты турында” иде.

Татарстан Республикасы Мәгариф һәм фән министрлыгының бүлек җитәкчесе Н.И.Бычкова чыгышыннан соң, Хокукый мәсьәләләр буенча ведомствоара координацияләү комитетының һәм ТР Дәүләт Советының законлылык, регламент һәм депутат этикасы комитеты Татарстан Республикасы Мәгариф һәм фән министрлыгына Татарстан Республикасы Яшьләр эшләре, спорт һәм туризм министрлыгы белән бергә закон проектын эшләп бетерергә һәм, Ведомствоара комитетның эксперт группасы бәяләмәсен алгач, “Тәрбиягә бала алган ата-аналарның хезмәте өчен түләү күләме һәм тәрбиягә бала алган гаиләгә бирелүче ташламалар турында” 18.03.2003 елдагы 8-ТРЗ номерлы Татарстан Республикасы Законына үзгәрешләр кертү хакында” Татарстан Республикасы законы проектын утырышта карап тикшерү өчен, Хокукый мәсьәләләр буенча ведомствоара координацияләү комитетына кертергә йөкләде.