Дәүләт хезмәтләре күрсәтүнең административ регламентлары системасын эшләү турында

2007 елның 26 февралендә Татарстан Республикасы юстиция министрының беренче урынбасары С.Н.Столяров Татарстан Республикасы Мәгълүматлаштыру һәм элемтә министрлыгы коллегиясенең киңәйтелгән утырышында катнашты. Анда тармакның 2006 елдагы эшенә йомгак ясалды һәм 2007 елга бурычлар билгеләнде. Коллегиядә Сергей Николаевич “Дәүләт хакимиятенең башкарма органнары тарафыннандәүләт хезмәтләре күрсәтүнең административ регламентлары системасын эшләү турында” мәгълүматын җиткерде.

Үзенең чыгышында ул административ регламентлар эшләү зарурлыгын нигез булып торучы Россия Федерациясе һәм Татарстан Республикасы хокукый актларын кабул итү белән нигезләде, дәүләт функцияләрен үтәүне һәм дәүләт хезмәтләре күрсәтүне тәртипкә салуга бәйле күздә тотылган максатлар, шулай ук көтелә торган нәтиҗәләр турында сөйләде.

С.Н.Столяров 2006 елда Татарстан Республикасы министрлыклары һәм ведомстволары тарафыннан күрсәтелгән административ регламентларның эшләнүләре һәм хәзерге вакытка раслану өчен әзер булулары турында бәян итте.

Әмма административ регламентларны раслау механизмына карата берничә яктан якын килү бар: ТР норматив хокукый актларында административ регламентларның тиешле министрлыклар тарафыннан расланулары каралган (ТР Юстиция министрлыгында актны теркәүгә алу һәм соңыннан аны рәсми бастырып чыгару процедурын үтәп). Бу юл белән башкарма хакимиятнең федераль органнары бара.

ТР Министрлар Кабинеты каршындагы Икътисадый һәм социаль тикшеренүләр үзәге башка юл тәкъдим итә: ТР МК карарына административ регламентларны ТР МК карары белән раслауга мөмкинлек бирәчәк үзгәрешләр кертергә, - ди. Бу административ регламентларны иң югары юридик көчкә ия хокукый актлар белән расларга мөмкинлек бирәчәк, аларны дәүләт теркәвенә алу зарурлыгын таләп итмәячәк һәм аларны гражданнарның һәм оешмаларның хокукларына һәм мәнфәгатьләренә кагылышлы ТР Министрлар Кабинеты хокукый актлары өчен каралган тәртиптә бастырып чыгарырга йөклиячәк.