ТР Хокукый мәсьәләләр буенча ведомствоара координацияләү комитетының Чистай шәһәрендә күчмә утырышы

2007 елның 15 марты, пәнҗешәмбе
14 мартта Чистай шәһәрендә ТР Хокукый мәсьәләләр буенча ведомствоара координацияләү комитетының күчмә утырышы үтте.
Комитет әгъзалары “Татарстан Республикасы Кама аръягы зонасының муниципаль районнарында (Алексеевск, Әлки, Яңа Чишмә, Спас һәм Чистай муниципаль районнары) хокук бозулар профилактикасының күпбаскычлы комплекслы системасын төзү эшенең торышы һәм аны активлаштыру чаралары турында” мәсьәләне тикшерде.
Профилактика системасына кагылышлы проблемалар хакында ТР юстиция министры урынбасары К.Б.Мөхәммәтов һәм ТР буенча эчке эшләр министры урынбасары – җәмәгать куркынычсызлыгы милициясе җитәкчесе Р.Г. Ногоманов мәгълүмат бирделәр.
Мәсьәлә турында фикер алышуда Алексеевск, Әлки, Яңа Чишмә, Спас һәм Чистай муниципаль районнары башлыклары һәм башкарма комитетлары җитәкчеләре, шулай ук РОНО, РЭЭБ, район прокуратурасы, участок инспекторлары, җәмәгать куркынычсызлыгы милициясе җитәкчеләре, авыл җирлекләре башлыклары, административ комиссияләр, балигъ булмаганнар эшләре һәм аларның хокукларын яклау комиссияләре, опека һәм попечительлек комиссияләре рәисләре, югарыда санап кителгән муниципаль районнарның җәмәгать оешмалары вәкилләре, Чистай шәһәре мәктәпләре һәм училищелары директорлары, журналистлар катнашты.
Ведомствоара комитет утырышында “Халыкны һәм территорияләрне гадәттән тыш хәлләрдән яклау турында” Татарстан Республикасы Законына үзгәрешләр кертү хакында” һәм “Тәрбиягә бала алган ата-аналарның хезмәте өчен түләү күләме һәм тәрбиягә бала алган гаиләгә бирелүче ташламалар турында” Татарстан Республикасы Законына үзгәрешләр кертү хакында” закон проектлары каралды.
Ике проект та Ведомствоара комитет әгъзалары тарафыннан яклау тапты һәм Татарстан Республикасы Министрлар Кабинетына юнәлдерелде.
Ведомствоара координацияләү комитеты утырышын Татарстан Республикасы Премьер-министрының беренче урынбасары Р.Ф.Моратов алып барды.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International