ТР Министрлар Кабинетында Хокукый мәсьәләләр буенча ведомствоара координацияләү комитеты утырышы булды

2007 елның 3 апрелендә ТР Министрлар Кабинетында Хокукый мәсьәләләр буенча ведомствоара  координацияләү комитеты утырышы булды, анда Татарстан Республикасының тармак министрлыклары тарафыннан “ “Автоном учрежденияләр турында” Федераль законны Татарстан Республикасында тормышка ашыру чаралары хакында” 2007 елның 29 мартындагы ПУ-155 номерлы Татарстан Республикасы Президенты Указын үтәү барышы турында мәсьәлә каралды.

ТР Президенты Указының үтәлеше турында мәгълүмат белән ТР җир һәм мөлкәти мөнәсәбәтләр министры урынбасары Т.С. Юшканцева чыгыш ясады. Закон проекты турында фикер алышканнан соң, Комитет әгъзалары, күрсәтелгән кимчелекләрне һәм тәкъдимнәрне исәпкә алып, документлар пакетын формалаштыру эшен дәвам итәргә, һәм 2 атнадан, Эксперт советы карап тикшергәннән соң, Хокукый мәсьәләләр буенча ведомствоара  координацияләү комитеты утырышы каравына кертергә дигән карарга килделәр.

Татарстан Республикасы муниципаль районнары һәм шәһәр округлары җирле үзидарә органнары тарафыннан административ комиссияләрне һәм балигъ булмаганнар эшләре һәм аларның хокукларын яклау буенча комиссияләрне оештыру һәм аларның эшчәнлеге буенча аерым дәүләт вәкаләтләрен тормышка ашыру мәсьәләсе турында Татарстан Республикасы юстиция министры М.М.Корманов сөйләде.

Ул административ комиссияләр эшендә кимчелекләрне һәм уңай моментларны билгеләп үтте, административ комиссияләр җитәкчеләренә кандидатуралар, аларны методик әсбаплар белән тәэмин итү һәм рәисләрен һәм җаваплы секретарьларын укыту буенча конструктив тәкъдимнәр кертте.

Рәислек итүче Р.Ф.Моратов билгеләп үткәнчә, районнарда хокук бозуларны профилактикалау системасын төзү, аеруча яшүсмерләр арасында, гаять мөһим. Ул административ комиссияләр эшен башка комиссияләр, аерым алганда, балигъ булмаганнар эшләре һәм аларның хокукларын яклау комиссиясе белән көчләрне берләштерү юлы белән көчәйтергә кирәклеккә игътибарны җәлеп итте. Муниципаль районнардагы барлык административ комиссияләр һәм федераль хезмәтләрнең үзара багланышларын координацияләү турында мәсьәләне әзерләүне КДУ доценты Е.Б Солтановка тапшырды.

Татарстан Республикасында Россия Федерациясе Салым кодексының 58 статьясы үтәлеше турында Татарстан Республикасы икътисад һәм сәнәгать министрының беренче урынбасары – ТР Министрлар Кабинеты каршындагы ТР ИСТҮ директоры А.Н.Кудрявцева мәгълүмат бирде.

Җирле бюджетка һәм Татарстан Республикасы консолидацияләнгән бюджетына салым салу объектлары буенча кергән кимчелекләрне исәпкә алып, ТР Министрлар Кабинеты каршындагы ТР ИСТҮнә бу юнәлештә эшне дәвам итәргә һәм аны карап тикшерергә 2 атнадан соң әйләнеп кайтырга килештеләр.

Татарстан Республикасының хуҗалык итүче субъектлары тулай торакларында даими яшәүче гражданнар проблемалары һәм аларны хәл итү юллары хакында Татарстан Республикасы икътисад һәм сәнәгать министрының беренче урынбасары – ТР Министрлар Кабинеты каршындагы ТР ИСТҮ директоры А.Н.Кудрявцева сөйләп бирде. Бу мәсьәләне чишүнең ике юлы бар: я тулай торакны хосусыйлаштырырга, бу очракта һәр яшәүче үз торак мәйданын сатып, социаль ипотекага акча кертә ала, я тулай торакка кунакханә статусы биреп, аны саклап калырга, анда киләчәктә предприятиенең эшчеләре булачак эшче һөнәрләренә өйрәнүчеләр яши алачак. Тулай торакны яңадан төзү - республика өчен арзанлы эш түгел.

Комитет әгъзалары ТР Дәүләт Советына арадаш җавап әзерләргә һәм бу мәсьәлә буенча эшне һәр тулай торак һәм анда яшәүче белән шәхсән һәм җентекләп дәвам итәргә дигән фикергә килделәр.

“Депортацияләнергә яисә Россия Федерациясеннән читкә административ рәвештә куылырга тиеш чит ил гражданнарын һәм гражданлыгы булмаган затларны вакытлычы тоту өчен махсус учреждениеләр төзү тәртибе турында” Татарстан Республикасы законы проекты хакында Татарстан Республикасы юстиция министры М.М.Корманов сөйләп бирде.

Ведомствоара комитет бу закон проектын карауны читкә куеп торырга карар итте, чөнки аны кабул итү иртәрәк, күп кенә мәсьәләләр шуңа тиңдәш федераль законда чагылыш тапмаган.

“Татарстан Республикасы территориясендә ваклап сату базарларын оештыру хокукына рөхсәт бирергә вәкаләтле җирле үзидарә органнарын билгеләү турында” Татарстан Республикасы законы проекты хакында Татарстан Республикасы юстиция министры М.М.Корманов мәгълүмат бирде.

Закон проекты Ведомствоара комитет әгъзаларында яклау тапты һәм Татарстан Республикасы Министрлар Кабинетына юнәлдерелде.