Юридик белгечлек буенча елның иң яхшы студенты КДУда белем ала

Кичә ТР Юстиция министрлыгында Казан шәһәре югары уку йортларының юридик факультетлары студентлары арасында конкурсның соңгы III туры тәмамланды. Бәйгене гамәлгә куючылар - ТР Юстиция министрлыгы, ТР Прокуратурасы, ТР Үзәк сайлау комиссиясе, ТР Яшьләр эшләре, спорт һәм туризм министрлыгы һәм КонсультантПлюс челтәренең Татарстан Республикасында рәсми вәкиле - «Консалтинг, Информационные технологии» фирмасы менә инде өченче ел конкурс үткәрү юлы белән юридик белгечлек буенча елның иң яхшы студентын ачыклый.

Бәйге студентлар арасында популярлык казанды. 2006 елның 28 мартында узган беренче турда Казан шәһәренең 13 югары уку йортыннан 166 студент катнашты. Финалга 6 югары уку йортыннан 10 кеше узды.

Йомгаклау туры нәтиҗәләре буенча конкур җиңүчесе итеп В.И.Ульнов-Ленин исемендәге Казан дәүләт университеты студенткасы Алинә Шиһабетдинова танылды. Аңа җиңүче дипломы тапшырылды һәм ул ел дәвамында «Консалтинг.Информационные технологии» фирмасы билгеләгән 1000 сум күләмендә стипендия алачак.

Икенче урынны В.И.Ульнов-Ленин исемендәге Казан дәүләт университеты студенты Рөстәм Кәримов яулады.

Өченче урынны Роман Сакулин (КДУ) һәм Ольга Сычева (ТР ЭЭМның Казан юридик институты).

Конкурсның иганәчесе булган «Консалтинг.Информационные технологии» фирмасы генераль директоры С.М.Колсанов җиңүчеләргә дипломнар, бүләкләр тапшырды. Моннан тыш, фирма ел дәвамында җиңүчеләргә бушлай «КонсультантПлюс» мәгълүмати-хокукый базасын урнаштыру һәм яңарту хезмәтен күрсәтәчәк.  

Юридик фәннәр докторы, Казан дәүләт университеты профессоры Б.Л.Железнов рәислек иткән жюри составына конкурсны гамәлгә куючылар вәкилләре керде.

Йомгаклау турында катнашучыларга тәкъдим ителгән эссе темалары гади булмасалар да, жюри студентларның белем дәрәҗәләре һәм әзерлекләре югары булуын билгеләп үтте. Катнашучылар арасында аерма берничә дистә балл тәшкил итә, шуңа күрә быел ике өченче урын бирергә булдылар.