ТР Юстиция министрлыгының Коррупциягә каршы сәясәт стратегиясен тормышка ашыру мәcьәләләренә багышланган утырыш

Бүген Татарстан Республикасы Юстиция министрлыгында ТР Юстиция министрлыгының Коррупциягә каршы сәясәт стратегиясен тормышка ашыру мәcьәләләре буенча даими эшче төркемнең чираттагы утырышы булды. Аны ТР юстиция министрының беренче урынбасары С.Н.Столяров үткәрде.

Утырышта Коррупциягә каршы сәясәт стратегиясен тормышка ашыруның ТР Юстиция министрлыгы Программасы үтәлеше турында хисап тыңланды. Министрлыкның структур бүлекчәләре эше турында хисаплар яңгырады, фикер алышулар булды, тәкъдимнәр һәм кисәтүләр кертелде.

Эшче төркем әгъзалары ТР Юстиция министрлыгы коллегиясе утырышының көн тәртибенә министрлыкның Коррупциягә каршы сәясәт стратегиясен тормышка ашыру мәcьәләсен кертүне карап тикшерде һәм дәүләт граждан хезмәтенә килүче гражданнарның шәхесе турында мәгълүматлар тупланган документларны тикшерү тәртибен сөйләштеләр. Эшләр идарәчесе С.А.Брусов тәкъдим иткән тәртип расланды.