ТР юстиция министры М.М.Кормановның Хәйрия советындагы чыгышы

Бүген Кремльдә Хәйрия эшчәнлеге мәсьәләләре буенча республика советы утырышы булды, анда ТР юстиция министры М.М.Корманов “Хәйрия эшчәнлеген законнарда җайга салуны камилләштерү турында” доклады белән чыгыш ясады.

Үз докладында ул хәйрия эшчәнлеге белән шөгыльләнүче юридик һәм физик затларга кагылышлы проблемаларга һәм “Татарстан Республикасында хәйрия турында” ТР законы проектына тукталып үтте. Закон проектын кабул итүнең актуальлеге социаль инвестицияләр һәм кертелгән хәйрия чаралары килүгә, хәйриячеләргә рәхмәт әйтү формаларын киңәйтүгә этәрүче механизмнарны эшләү зарурлыгыннан гыйбарәт.