ТР Юстиция министрлыгы – Яшел Үзән балалар йорты шефлары

Хәйрия елы дип игълан ителгән 2007 елда ТР Юстиция министрлыгы Яшел Үзән балалар йортын шефлыкка алды. Моның белән бәйле балалар йорты директоры Киселева С.Ш. белән элемтәгә керде һәм балалар йортында яшәүче балаларның ихтыяҗларын ачыклады.

Министрлыкта татлы пироглар һәм кабартмалар пешерү өчен өйдә ясалган кайнатмалар һәм повидлолар җыю турында игълан ителде, чөнки балаларга тәм-том җитми икән. Министрлык хезмәткәрләре балалар йорты китапханәсе өчен балалар китаплары, шулай ук спорт инвентаре да җыйды.

Балалар йортында төрле яшьтәге ятимнәр яши һәм алар үзләренә үзләре хезмәт күрсәтә. Бүлмәләрне җыештыруны җиңеләйтү өчен җыештыру өчен инвентарь, шулай ук юу чаралары сатып алырга карар ителде (балалар йортының моңа ихтыяҗы зур). Шулай ук һәр балага да аларның үзләре һәм администрция теләге белән фотоальбом бүләк ителәчәк.

Барлык тәм-томнар һәм әйберләр дә балалар йортына җибәрелде. Бу максаттан министрлык администрациясе “Газель” машинасы бирде. Балалар бүләкләрне зур шатлык һәм рәхмәт белән кабул иттеләр. Июнь аенда, уку елы тәмамланганнан соң, алар чәй эчәргә чакырып калдылар. ТР Юстиция министрлыгы хезмәткәрләре бер тавыштан квартал саен бер көнлек хезмәт хакларын Яшел Үзән балалар йорты счетына күчереп барырга дип килештеләр.

Министрлык балалар йорты директоры белән һәрдаим тыгыз элемтәдә тора һәм киләчәктә дә балаларга ярдәм күрсәтергә җыена.