Җәмәгать судьялары һәм аларның аппараты хезмәткәрләре өчен квалификация күтәрүнең язгы курслары

“Россия Федерациясендә судьялар статусы турында” Россия Федерациясе Законы һәм “Татарстан Республикасы дәүләт граждан хезмәте турында” Татарстан Республикасы Законы нигезендә Татарстан Республикасы Юстиция министрлыгы елына ике тапкыр җәмәгать судьялары һәм аларның аппаратлары хезмәткәрләре өчен квалификация күтәрү курсларын оештыра.

“Россия суд эшчәнлеге академиясе”нең Казан филиалында мартта - җәмәгать судьялары, апрельдә - җәмәгать судьялары аппараты хезмәткәрләре (суд утырышлары секретарьлары, канцелярия җитәкчеләре, 2 разрядлы белгечләр) төркемендә дәресләр тәмамланды. Укуларны узучыларга квалификация күтәрү курсларын тәмамлау турында таныклыклар тапшырылды.

Язгы чорда укучыларның уку-укыту планына җәмәгать судьялары карап тикшерә торган эшләрнең теоретик һәм гамәли мәсьәләләре, җәмәгать судьясы эшчәнлегендәге оештыру мәсьәләләре, аның эшчәнлегенең әхлакый һәм психологик акспектлары темалары кертелгән иде.

Уку-укыту материалын ТР Югары суды, Казан шәһәре район судлары судьялары, ТР буенча суд приставларының Федераль хезмәте идарәсе, ТР Суд департаменты идарәсе белгечләре, Россия суд эшчәнлеге академиясенең Казан филиалы һәм КДУ укытучылары укыдылар.

Җәмәгать судьялары һәм җәмәгать судьялары аппараты хезмәткәрләре үз эшләре өчен кирәкле һәм файдалы күп кенә мәгълүмат алуларын билгеләп үттеләр, эш тәҗрибәләре белән уртаклаштылар һәм республиканың башка районнары һәм шәһәрләре тәҗрибәләре турында хәбәрдар булдылар, шулай ук социаль ипотека, социаль яклау, хезмәт хакы һәм башка мәсьәләләр белән бәйле сорауларга җавап алдылар.