Яңадан торгызучы суд эшчәнлеге буенча семинар

2007 елның 26 апрелендә ТР юстиция министры урынбасары Ә.Б. Сираҗетдинов яңадан торгызучы суд эшчәнлеге буенча семинарда катнашты. Аны Татарстан Республикасында Кеше хокуклары буенча вәкаләтле вәкил “Суд-хокук реформасы” Иҗтимагый үзәге (Мәскәү ш.) һәм “Ышаныч” балаларга һәм яшьләргә комплекслы социаль хезмәт күрсәтү үзәге” Муниципаль учреждениесе (Казан ш.) белән бергә оештырды. Чара “Яңадан торгызучы суд эшчәнлеге өлкәсендә төбәк башлангыларына ярдәм күрсәтү” проекты буенча эш кысаларында Россия Федерациясендә Кеше хокуклары буенча вәкаләтле вәкилнең эксперт советы теләктәшлегендә Казан шәһәрендә “Ышаныч” КСЯКҮндә узды. 

Ә.Б. Сираҗетдинов семинарда доклад белән чыгыш ясады, шулай ук бала хокукларын яклау системасының бүгенге хәле мәсьәләләре турында фикер алышуда, ювеналь юстиция өлкәсендә закон проектлары пакетын эшләүдә, “Балигъ булмаганнарның надзорсызлык һәм хокук бозулары системасы турында”, “Балигъ булмаганнар комиссияләре һәм аларның хокукларын яклау турында” ФЗнар нигезләмәләрен гамәлгә ашыруда һ.б. катнашты.

Семинарның максаты – төбәктә ювеналь юстицияне үстерү. БМОның балигъ булмаганнарга мөнәсәбәттә суд эшчәнлеге алып баруның минималь стандарт кагыйдәләре ювеналь юстицияне балигъ булмаганнар эшләре буенча суд эшчәнлегенең аерым бер системасы буларак билгели. Моның белән бәйле, суд-хокук системасын үзгәртеп кору юнәлешләренең берсе буларак балигъ булмаганнар эшләре буенча махсуслаштырылган система төзү карала.